ევროპელი ლიდერები, უკრაინაში ომის დასასრულებლად, აშშ-ს პრეზიდენტის, დონალდ ტრამპსა და რუსეთის პრეზიდენტს შორის მოლაპარაკებების დაწყებას ეხმაურებიან. მათი თქმით, უკრაინაში და ევროპაში მშვიდობა მხოლოდ ევროპის, აშშ-ს და უკრაინის ერთად დგომით მიიღწევა.

მშვიდობის მიღწევა მხოლოდ ერთად შეიძლება და ეს ნიშნავს: უკრაინასთან და ევროპელებთან ერთად — ჩვენ ერთად უნდა დავადგეთ ამ გზას, რათა ევროპაში მშვიდობა დაბრუნდეს, — ამის შესახებ გერმანიის საგარეო საქმეთა მინისტრმა, ანალენა ბერბოკმა POLITICO-სთან პუტინსა და ტრამპს შორის სატელეფონო საუბრის შემდეგ განაცხადა.

მისი თქმით, ამ გზაზე ერთად უნდა დადგნენ იმისათვის, რომ ევროპას მშვიდობა დაუბრუნდეს.

POLITICO-სთან საუბრისას, ლატვიის საგარეო საქმეთა მინისტრმა ბაიბა ბრაჟემ თქვა, რომ უკრაინული მხარის ჩართულობას ნებისმიერ მოლაპარაკებაში გადამწყვეტი მნიშვნელობა აქვს.

მისივე თქმით, სამშვიდობო შეთანხმების მისაღწევად, საჭიროა რუსეთის ბრძოლის ველზე დასუსტება, რომ რუსეთს მშვიდობა აიძულონ.

"რუსეთის სამხედრო შესაძლებლობების შესუსტება მშვიდობისკენ მიმავალი გზაა. უკრაინის სიძლიერეში ინვესტიცია მშვიდობაში ინვესტიციაა. რუსეთის დასუსტება კი მშვიდობაში ინვესტიციაა. სანქციები და მათი ეფექტური განხორციელება ამაში მნიშვნელოვანი ელემენტია", — განაცხადა ბაიბა ბრაჟემ.

პოლონეთის პრემიერმინისტრმა დონალდ ტუსკმა ტრამპის განცხადების საპასუხოდ, X-ზე დაწერა, რომ უკრაინამ, ევროპასა და შეერთებულმა შტატებმა ერთად უნდა იმუშაონ იმაზე, რომ მშვიდობა იყოს.

"ჩვენ მხოლოდ მშვიდობა გვჭირდება. უბრალოდ მშვიდობა. უკრაინამ, ევროპასა და შეერთებულმა შტატებმა ერთად უნდა იმუშაონ ამაზე. ერთად", — წერს ტუსკი.

დონალდ ტრამპსა და ვლადიმირ პუტინს შორის პირველი ოფიციალური სატელეფონო საუბარი შედგა, რომელიც საათ-ნახევარი გაგრძელდა.

აშშ-ის პრეზიდენტის განცხადებით, რუს კოლეგასთან "ხანგრძლივი და ძალიან პროდუქტიული" საუბარი გამართა და შეთანხმდა, რომ უკრაინაში მიმდინარე ომის დასასრულებლად სამშვიდობო მოლაპარაკებებს დაიწყებენ — ამის შესახებ დონალდ ტრამპმა საკუთარ სოციალურ პლატფორმა Truth Social-ზე დაწერა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს