12 თებერვალს სახალხო დამცველის რწმუნებულებმა საექსტრადიციო პატიმრობაში მყოფი, აზერბაიჯანელი ჟურნალისტი აფგან სადიგოვი მოინახულეს.  ექიმის თქმით ფიქსირდება წონაში კლება, ამ ეტაპზე  სხვა მონაცემები  სახიფათო არ არის, თუმცა არც უეცარი გართულებები გამოირიცხება.

„12 თებერვალს სახალხო დამცველის რწმუნებულებმა, მათ შორის, სახალხო დამცველის აპარატში დასაქმებულმა ექიმმა, N18 პენიტენციურ დაწესებულებაში საექსტრადიციო პატიმრობაში მყოფი, აზერბაიჯანის რესპუბლიკის მოქალაქე აფგან სადიგოვი მოინახულეს.
გაესაუბრნენ ასევე N18 პენიტენციური დაწესებულების მთავარი ექიმის მოადგილეს და პატიმრის მკურნალ ექიმს. აპარატში დასაქმებული ექიმი გაეცნო აფგან სადიგოვის სამედიცინო დოკუმენტაციას. აფგან სადიგოვი აგრძელებს სრულ შიმშილობას, რომელიც დაკავშირებულია მის აზერბაიჯანის რესპუბლიკაში ექსტრადირებაზე დაწყებულ სამართლებრივ პროცესთან.
სამედიცინო ბარათის თანახმად, ფიქსირდება წონის გამოხატული კლება. ექიმის მოსაზრებით, ამ ეტაპზე სხვა მონაცემები სახიფათო არ არის, თუმცა არც უეცარი გართულებები გამოირიცხება.
სამედიცინო პერსონალის განმარტებით, პატიმარს ჯანმრთელობის მდგომარეობის გაუარესების გამო უკვე რამდენიმე დღეა, მისივე თანხმობით, მიეწოდება შესაბამისი სამედიცინო მომსახურება. თუმცა, სამოქალაქო კლინიკაში გადაყვანაზე უარს აცხადებს.
სახალხო დამცველის აპარატში დასაქმებული ექიმის მიერ აფგან სადიგოვს მიეწოდა ინფორმაცია შიმშილობის მოსალოდნელი შედეგების შესახებ. ასევე, მიეწოდა ინფორმაცია სახალხო დამცველის აპარატში მის განცხადებებზე განხორციელებული რეაგირებისა და სხვა სამართლებრივი საკითხების შესახებ.
სახალხო დამცველის აპარატმა უკვე გამოითხოვა პატიმრის სამედიცინო დოკუმენტაცია სრულად. სახალხო დამცველი განაგრძობს აფგან სადიგოვისთვის გაწეული სამედიცინო მომსახურების მონიტორინგს." – ნათქვამია სახალხო დამცველის მიერ სოციალურ ქსელში გავრცელებულ განცხადებაში.

ცნობისთვის, 3 თებერვალს სადიგოვმა მშრალი შიმშილობა დაიწყო. სოციალური სამართლიანობის ცენტრის ცნობით, 10 თებერვლის მონაცემებით, ჟურნალისტი 143 დღეა შიმშილობს.
2024 წლის 28 ნოემბერს თბილისის საქალაქო სასამართლომ სადიგოვის აზერბაიჯანში ექსტრადირების მოთხოვნა დააკმაყოფილა. გადაწყვეტილება მოსამართლე არსენ კალატოზიშვილმა მიიღო.

ავტორი: ექსპრესნიუსი,

სოციალური ქსელები

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს

რეკორდული ბაზრის წილი და პროდუქტის დივერსიფიკაცია - „თეგეტა ქონსთრაქშენ ექვიფმენთმა“ JCB-ს ორი ჯილდო მიიღო

ივანიშვილის პრემიერი მზადაა ოკუპირებულ აფხაზეთში ბენზინი შეიტანოს და რუსებს ამით დაეხმაროს