NBC News-ის ინფორმაციით, აშშ-ს სახელმწიფო დეპარტამენტში ხარჯების შემცირების მიზნით, დონალდ ტრამპის ადმინისტრაცია მსოფლიოს ზოგიერთ ქვეყანაში საკონსულოებისა და დიპლომატიური წარმომადგენლობების დახურვას განიხილავს. ამის შესახებ ტელემაუწყებლობა NBC News-ს პრეზიდენტის ადმინისტრაციის სამმა მაღალჩინოსანმა აცნობა.

ტელემაუწყებლობის ინფორმაციით, ეს გადაწყვეტილება შესაძლოა, ევროპას, კანადას, მექსიკასა და წყნარი ოკეანის კუნძულებს შეეხოს. მაღალჩინოსნების თქმით, ტრამპმა უკვე გადახედა პოტენციური საკონსულოების სიას, თუმცა საბოლოო გადაწყვეტილება ჯერ მიღებული არ არის.

წყაროების ცნობით, სახელმწიფო დეპარტამენტის მაღალჩინოსნებმა ზოგიერთი საკონსულო გადახედვას უკვე დაუქვემდებარეს. ამას გარდა, ტრამპის ადმინისტრაციის ოფიციალური პირები განიხილავენ საკონსულოების დიპლომატიურ საჭიროებას და მსჯელობენ დამატებით სამთავრობო აქტივობებზე, რამაც შესაძლოა ისინი ჩაანაცვლოს, როგორიცაა სამხედრო კონტრაქტები და სადაზვერვო ინფორმაციის მოპოვება. 

ამასთანავე, მაღალჩინოსნებმა NBC News-თან თქვეს, რომ საკონსულოების ძირითადი ნაწილი, რომელიც შესაძლოა ამ გადაწყვეტილების სამიზნე გახდეს, გერმანიასა და საფრანგეთშია.

ავტორი: ექსპრესნიუსი,

სოციალური ქსელები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი

რასა იუკნევიჩიენე: ახლა საქართველო ყველაზე ცუდ კანდიდატებს შორისაა

თიბისის 5 ჯილდო The Digital Banker-ისგან საუკეთესო ციფრული გამოცდილება აღმოსავლეთ ევროპაში