ლაშა გაბიტაშვილს, რომელსაც ნიღბიანი პირები თავს დაესხნენ, ტვინის შერყევა აღენიშნება. ამის შესახებ ინგოროყვას კლინიკის ექიმმა განაცხადა. ექიმის განმარტებით, მიუხედავად ამისა, გაბიტაშვილმა კლინიკის ხელწერილის საფუძველზე დატოვება გადაწყვიტა.

„მამაკაცის გადმოცემით, სახლიდან გამოსვლისას თავს სამი პირი დაესხა. მიაყენეს ფიზიკური შეურაცხყოფა, ურტყეს თავში, სახეში, გულ-მკერდის არეში. შემოსვლის დროს ჩაუტარდა შესაბამისი კვლევები, ასევე, თავის ტვინის კომპიუტერული ტომოგრაფია. პაციენტს აღენიშნება თავის ტვინის შერყევა. ჩვენ შევთავაზეთ ჰოსპიტალიზაცია, თუმცა უარს აცხადებს და ამბობს, რომ ხელწერილის საფუძველზე დატოვებს კლინიკას“, - განაცხადა ექიმმა.

ლაშა გაბიტაშვილზე მომხდარ თავდასხმასთან დაკავშირებით გამოძიება 126-ე პრიმა მუხლით დაიწყო, რაც ჯგუფურად ჩადენილ ძალადობას გულისხმობს.

ცნობისთვის, ლაშა გაბიტაშვილი, რომელსაც აბუ - დაბიში „ქართული ოცნების“ დეპუტატები ირაკლი ზარქუა, ვიქტორ სანიკიძე და გელა სამხარაული ფიზიკურად დაუპირისპირდნენ, აცხადებს, რომ დღეს, ქუჩაში თავს სამი ნიღბიანი პირი დაესხა. სოციალურ ქსელ „ფეისბუქის“ საკუთარ გვერდზე გაბიტაშვილმა ვიდეო გამოაქვეყნა, სადაც სახეზე დაზიანებები აღენიშნება.

ავტორი: ექსპრესნიუსი,

სოციალური ქსელები

კობა ფარტენაძის მიმართ ძალადობისა და დანით დაჭრის მუქარის ბრალდებით დაკავებულები გირაოს სანაცვლოდ გათავისუფლდნენ

22-წლიანი პაუზის შემდეგ ქართული საკლუბო ფეხბურთი ევროპულ ასპარეზს დაუბრუნდა

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს