2025-02-11 13:07:06, 332 ნახვა
მსოფლიო
ავღანეთში თვითმკვლელმა ტერორისტმა თავი აიფეთქა - არიან დაღუპულები და დაშავებულები
ავღანეთში თვითმკვლელმა ტერორისტმა თავი აიფეთქა, არიან დაღუპულები და დაშავებულები, - ამის შესახებ ინფორმაციას სააგენტო „ფრანს-პრესი“ ავრცელებს.
ადგილობრივი პოლიციის ცნობით, თვითმკვლელმა ტერორისტმა თავი ქალაქ ყუნდუზში, ბანკთან აიფეთქა, რის შედეგადაც 5 ადამიანი დაიღუპა და 7 დაშავდა.
„თვითმკვლელმა ტერორისტმა, რომელსაც ხელნაკეთი ასაფეთქებელი მოწყობილობა ჰქონდა, თავი აიფეთქა“, - განაცხადა, ყუნდუზის პროვინციის პოლიციის წარმომადგენელმა, ჯუმადინ ხაქსარმა.
ხაქსარის ინფორმაციით, დაღუპულებს შორის მშვიდობიანი მოქალაქეები, საჯარო მოხელეები და „თალიბანის“ უსაფრთხოების ძალების წევრები არიან.
ავტორი: ექსპრესნიუსი,
epn.ge (@expressnews.ge)
