23 იანვარს ცეცხლი გაუჩნდა რუსულ სადაზვერვო გემს "კილდინს", როდესაც ის სირიის სანაპიროსთან დაცურავდა და მართვის მხრივ პრობლემები შეექმნა. ამის შესახებ ინფორმაცია, პარასკევს Associated Press-მა გაავრცელა.

სააგენტოს ინფორმაციით, ეს მასალები სამხედროებისგან, კერძოდ, ნატოს ერთ-ერთი ქვეყნის წარმომადგენლებისგან მიიღეს, რომლის გემიც ინციდენტის დროს მახლობლად იყო.მასალებში ნათქვამია, რომ რუსული ხომალდის ეკიპაჟმა უარი თქვა ნატოს გემის დახმარებაზე.

სააგენტოს ინფორმაციით, შავი ზღვის ფლოტის საშუალო სადაზვერვო ხომალდი "კილდინი" ხმელთაშუა ზღვაში იმყოფებოდა თურქეთის საზღვაო ძალების წვრთნების მონიტორინგისთვის. გაურკვეველი მიზეზების გამო, გემზე ხანძარი გაჩნდა. სავარაუდოდ, ეკიპაჟი ოთხი საათის განმავლობაში იბრძოდა ხანძრის ჩასაქრობად და საბოლოო ჯამში, საკუთარი ძალებით შეძლო ცეცხლის ჩაქრობა.

რუსეთის ხელისუფლებას ინფორმაცია  არ გაუვრცელებია გემ "კილდინთან" მომხდარი ინციდენტის შესახებ.

ვრცელდება ინფორმაცია, რომ ახლა "კილდინი" კვლავ იმყოფება სირიის სანაპიროზე, ტარტუსის პორტთან, სადაც მდებარეობს რუსული ბაზა. ბოლო ინფორმაციით, რუსული გემები ტარტუსიდან სამხედრო ტექნიკის ექსპორტს ახორციელებენ.

მანამდე გავრცელდა ინფორმაცია, რომ სირიის პორტის დატოვების შემდეგ პრობლემები ჰქონდა რუსულ გემს "სპარტას".

რუსეთის თავდაცვის სამინისტროს ამ დრომდე კომენტარსარაკეთებს.

კრემლის სპიკერმა დიმიტრი პესკოვმა "ასოშიეტიდ პრესთან" კომენტარში თქვა, რომ რუსეთის საზღვაო ძალების მდგომარეობა არ შეიძლება შეფასდეს ცალკეული ინციდენტით.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს