უკრაინის სამხედრო ძალებმა რუსეთში, კურსკის ოლქში მექანიზირებული შეტევების ახალი ტალღა წამოიწყეს და ქალაქ სუჯას სამხრეთ-აღმოსავლეთ ნაწილში რუსეთის თავდაცვითი ხაზი გაარღვიეს და 5 კილომეტრის სიღრმეზე შეაღწიეს. ინფორმაციას ომის კვლევის ინსტიტუტი (ISW) ავრცელებს.

"6 თებერვალს გამოქვეყნებული მასალა მიუთითებს, რომ უკრაინულმა ძალებს წინსვლა ჰქონდათ კახნოვკას სამხრეთ-დასავლეთ ნაწილში (სუჯას სამხრეთ-აღმოსავლეთით) და ჩერკსკაია კონოპელკას ჩრდილო-აღმოსავლეთ ნაწილში (სუჯას სამხრეთ-აღმოსავლეთით), ასევე, სუჯა-ობოიანის გზატკეცილზე. ამასთან, უკრაინულმა ძალებმა აიღეს კოლკამოვი (ჩერკსკაია კონოპელკას ჩრდილოეთ ნაწილში) და ფანასეიევკა (ჩერკსკაია კონოპელკას სამხრეთ-აღმოსავლეთ ნაწილში)". - წერია ISW-ს ანგარიშში.

ISW-ს ცნობით, უკრაინის ძალებმა თავდასხმები განახორციელეს 30-დან 50-მდე ჯავშანმანქანის გამოყენებით და წარმატებას მიაღწიეს კურსკის ოლქის რამდენიმე სოფელში.

ამასთან, ISW რუსეთის თავდაცვის სამინისტროს განცხადებებზე დაყრდნობით ვარაუდობს, რომ უკრაინის ძალებმა თავდასხმები რამდენიმე ტალღად აწარმოეს, რისთვისაც ორი მექანიზებული ბატალიონი გამოიყენეს.

ავტორი: ექსპრესნიუსი,

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან