აშშ-ის პრეზიდენტი დონალდ ტრამპი მზად არის, გააორმაგოს რუსეთის წინააღმდეგ სანქციები, – ამის შესახებ უკრაინისა და რუსეთის საკითხებში აშშ-ის პრეზიდენტის სპეციალურმა წარმომადგენელმა, კიტ კელოგმა განაცხადა.

როგორც ამერიკული გაზეთი „ნიუ იორკ პოსტი“ წერს, კელოგმა აღნიშნა, რომ „ეკონომიკური ზეწოლის სიმძიმის თვალსაზრისით, ამჟამად რუსეთის წინააღმდეგ სანქციები ათბალიან სკალაზე დაახლოებით სამ ბალზეა“.

„ნამდვილად შესაძლებელია სანქციების გაძლიერება, განსაკუთრებით ბოლოს დაწესებული სანქციების. ეს ქმნის ფართო შესაძლებლობებს რაღაცის გასაკეთებლად. ვინმე თუ იცნობს კარგად ზეგავლენის მოხდენის ბერკეტებს, ეს პრეზიდენტი დონალდ ტრამპია და ამას ხედავთ მის მიერ ბოლო დროს გადადგმული ნაბიჯებით“, – განაცხადა კიტ კელოგმა.

უკრაინისა და რუსეთის საკითხებში აშშ-ის პრეზიდენტის სპეციალურმა წარმომადგენელმა ასევე აღნიშნა, რომ რამდენიმე დღის წინ ოვალურ კაბინეტში პრეზიდენტ ტრამპთან ერთად განიხილეს, როგორ გამოეყენებინათ ძალაუფლების ყველა ელემენტი ომის დასასრულებლად. მისივე თქმით, შეხვედრას ესწრებოდნენ აშშ-ის ვიცე პრეზიდენტი და სახაზინო დეპარტამენტის ხელმძღვანელი.

როგორც კელოგმა აღნიშნა, რუსეთზე ზეწოლა არ შეიძლება იყოს მხოლოდ სამხედრო.

„საჭიროა ეკონომიკური, დიპლომატიური ზეწოლა, გარკვეული სახის სამხედრო ზეწოლა და სხვა ბერკეტები, რომელთა გამოყენებაც გვსურს, რათა დავრწმუნდეთ, რომ ეს მიდის იქ, სადაც ჩვენ გვინდა“, – განაცხადა კიტ კელოგმა.

ამასთან, კელოგის თქმით, ომი რუსეთსა და უკრაინას შორის მოლაპარაკებების გარეშე ვერ დასრულდება.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს