აშშ-ის სახაზინო დეპარტამენტის უცხოური აქტივების კონტროლის ოფისი (OFAC) - ის ინფორმაციით, აშშ ირანის ნავთობის საექსპორტო ქსელს ასანქცირებს.

სანქციების ქვეშ მოყვა საერთაშორისო ქსელი, რომელიც ხელს უწყობდა ჩინეთის სახალხო რესპუბლიკაში ასობით მილიონი დოლარის ღირებულების ირანული ნედლი ნავთობის მილიონობით ბარელის გადაზიდვას.

ირანიდან ჩინეთში ნავთობის გადაზიდვა ირანის შეიარაღებული ძალების გენერალური შტაბისა და მისი ფიქტიური კომპანია Sepehr Energy-ის დავალებით ხორციელდებოდა. აღნიშნული სასანქციო ქმედება რამდენიმე იურისდიქციაში მყოფ კომპანიებსა და ინდივიდებს ეხება, მათ შორის ჩინეთში, ინდოეთსა და არაბთა გაერთიანებულ საამიროებში, ისევე როგორც რამდენიმე გემს.

განცხადების თანახმად, ირანი ყოველწლიურად ნავთობის გაყიდვით მილიარდობით დოლარის ეკვივალენტს იმუშავებს, რასაც შემდგომ რეგიონში სადესტაბილიზაციო აქტივობების დასაფინანსებლად და რამდენიმე რეგიონული ტერორისტული ჯგუფის მხარდასაჭერად იყენებს, როგორებიცაა „ჰამასი“, „ჰუსიტები“ და „ჰეზბოლა“.

„ირანული რეჟიმი ფოკუსირებული რჩება მისი ნავთობის შემოსავლები გამოიყენოს ატომური პროგრამის დასაფინანსებლად, ბალისტიკური რაკეტებისა და დრონების საწარმოებლად, და მისი რეგიონული ტერორისტული მარიონეტული ჯგუფის მხარდასაჭერად. შეერთებული შტატები მზად არის აგრესიულად სამიზნეში ამოიღოს ირანის ნებისმიერი მცდელობა მოახდინოს ამ მავნე აქტივობებისთვის დაფინანსების უზრუნველყოფა”, - განაცხადა სახაზინო მდივანმა, სკოტ ბესენტმა.

ავტორი: ექსპრესნიუსი,

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა