გასულ კვირას  აშშ-ს პრეზიდენტ, დონალს ტრამპსა და მექსიკის პრეზიდენტ,  კლაუდია შეინბაუმსშორის დადებული ხელშეკრულება უკვე ძალაშია.

აშშ-ს პრეზიდენტმა დონალდ ტრამპმა განაცხადა, რომ მექსიკისთვის ტარიფების დაწესების ბრძანებას ერთი თვით შეაჩერებს, სანაცვლოდ, მექსიკის პრეზიდენტმა, კლაუდია შეინბაუმმა პირობა დადო, რომ ფენტანილის კონტრაბანდის აღსაკვეთად საზღვართან სამხედროებს გაგზავნის. 

მექსიკამ, სამხედროების საზღვართან გაგზავნა ეტაპრობრივად დაიწყო.

"საზღვარზე მუდმივი დაზვერვა იქნება. ამ ოპერაციის მთავარი მიზანია, მექსიკიდან აშშ-ში ნარკოტიკების, ძირითადად კი ფენტანილის კონტრაბანდა აღკვეთოს"– ამბობს მექსიკის ეროვნული გვარდიის ერთ-ერთი ლიდერი, ხოსე ლუის სანტოს იზა. 

ამ ეტაპისთვის, საზღვართან 1 700-მდე სამხედრო გაიგზავნა, ხოლო ჯამში ეს რიცხვი 10 000-მდე უნდა გაიზარდოს. 

ცნობისთვის, აშშ-სა და მექსიკის პრეზიდენტებმა შეთანხმებას 3 თებერვალს, მექსიკის, კანადისა და ჩინეთის წინააღმდეგ დაწესებული ტარიფების ძალაში შესვლამდე რამდენიმე საათით ადრე მიაღწიეს.

დონალდ ტრამპის თქმით, ორი ქვეყანა 1-თვიან შეჩერებას მოლაპარაკებების გასაგრძელებლად გამოიყენებს.

მანამდე, ტრამპმა თქვა, რომ ის კანადის პრემიერს, ჯასტინ ტრუდოს ესაუბრა და რამდენიმე საათში კვლავ გაესაუბრება. კანადისა და ჩინეთის წინააღმდეგ დაწესებული ტარიფები ძალაში სამშაბათიდან შევა.

როგორც Reuters აღნიშნავს, აშშ-ს აქციები და სხვა გლობალური ფინანსური ბაზრები სანქციების სავარაუდო ამოქმედების წინ დაეცა.

კვირას, აშშ-ს პრეზიდენტმა დონალდ ტრამპმა აღნიშნა, რომ ტარიფები ევროკავშირის წინააღმდეგაც დაწესდება, თუმცა, არ არის გადაწყვეტილი ზუსტად როდის.

ევროკავშირის წევრი ქვეყნების ლიდერების თქმით, თუ აშშ-ს პრეზიდენტი, დონალდ ტრამპი მუქარას შეასრულებს და ევროპულ საქონელზე ტარიფებს დააწესებს, ბლოკი საპასუხო ნაბიჯებისთვის მზად იქნება.

ავტორი: ექსპრესნიუსი,

სოციალური ქსელები

მოჯთაბა ხამენეი მამის დაკრძალვას, სავარაუდოდ, ვერ დაესწრება

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა