ევროპის სახალხო პროკურატურა (EPPO) იძიებს ევროკავშირის ქვეყნებში შესვლა/გასვლის კონტროლის ავტომატურ(EES) სისტემის შექმნაში რუსული FSB-ს მონაწილეობას.

Financial Times შესაბამის დოკუმენტებზე დაყრდნობით წერს, რომ ევროკავშირში შესვლა/გასვლის კონტროლის სისტემის პროგრამულ უზრუნველყოფაში ჩართულნი იყვნენ ფრანგული IT კომპანია Atos-ის მოსკოვის განყოფილების თანამშრომლები.

212 მილიონი ევროს ღირებულების EES-ის სისტემის შექმნაზე კონტრაქტი 2019 წელს ფრანგულმა Atos-მა და იტალიურმა კომპანია Leonardo-მ მიიღეს. სისტემა 2024 წლის ნოემბერში უნდა გაშვებულიყო, მაგრამ მისი ამოქმედება გადაიდო.

აღნიშნული სისტემა შეაგროვებს მონაცემებს ყველა უცხოელი მოგზაურის შესახებ, რომელიც შედის ან ტოვებს ევროკავშირს. სისტემა ჩაიწერს პერსონალურ და ბიომეტრიულ მონაცემებს, ასევე მათ სავიზო სტატუსს.

FT წერს, რომ Atos-ის მოსკოვის ფილიალი მუშაობდა FSB-ს ლიცენზიით. ლიცენზია მას ანიჭებს უფლებას „დაშიფვრის (კრიპტოგრაფიული) ხელსაწყოების, ინფორმაციისა და სატელეკომუნიკაციო სისტემების შემუშავების, წარმოებისა და გავრცელებისთვის.

გამოცემის ინფორმაციით, Atos-ის მოსკოვის განყოფილების პერსონალი „პირდაპირ იყო ჩართული ევროკავშირის სასაზღვრო სისტემის პროგრამული უზრუნველყოფის შესყიდვაში“.

2022 წლის აპრილის დასაწყისში Atos-მა გამოაცხადა, რომ რუსეთ-უკრაინის ომის გამო რუსეთის ბაზრიდან გადიოდა.

EES სისტემა EU-ს არარეზიდენტების საზღვრის კვეთას ციფრულად დააფიქსირებს, რის გამოც ფიზიკური ბეჭდების საჭიროება აღარ იარსებებს. სისტემა მესამე მსოფლიოს ქვეყნებიდან უვიზოდ ან მოკლევადინი ვიზით მოგზაურებს დაარეგისტრირებს.

შენგენის ზონის გადაკვეთის თითოეულ შემთხვევაში, სისტემა ავტომატურად დააფიქსირებს მგზავრის სახელს, სამოგზაურო დოკუმენტებს, ბიომეტრიულ მონაცემებს, მათ შორის თითის ანაბეჭდებსა და ფოტოებს, ასევე საზღვრის კვეთის დროსა და ადგილს

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს