ევროპარლამენტარი პეტრას ავსტრევიჩუსი მწვავედ აკრიტიკებს საქართველოს მთავრობის საქმიანობას, მას “რეჟიმს” უწოდებს და ამბობს, რომ ქვეყანა ავტორიტარიზმის გზას ადგას.

მისი თქმით, საქართველოს ხელისუფლება სულ უფრო მეტად ემსგავსება ბელარუსისა და რუსეთის რეჟიმებს, რაც გამოიხატება დემონსტრანტების წინააღმდეგ ძალის გამოყენებასა და რეპრესიული კანონების მიღებაში.

ევროპელი პოლიტიკოსი მზია ამაღლობელსა და სხვა უკანონოდ დაპატიმრებულებს სოლიდარობას უცხადებს და განმარტავს, რომ საქართველოს ამჟამინდელი ლიდერები საქართველოს აშკარად არაევროპულ გზაზე აყენებენ, რაც ქვეყანას სერიოზულ საფრთხეში აგდებს.

"მე ვფიქრობ, რომ ეს ძალიან სიმბოლური დემონსტრაციაა იმ სისასტიკის, რასაც თბილისის ამჟამინდელი რეჟიმი ავლენს. მოდით, მას რეჟიმი ვუწოდოთ. ისინი ყოველ ჯერზე უარესისკენ მიდიან. ვხედავ ძალიან ცუდ ტენდენციას საქართველოსთვის. ჩემი აზრით, საქართველომ დატოვა ცივილიზებული, ევროპული ქვეყნების კლუბი. ისინი ბელარუსისა და რუსეთის გზით მიდიან. ჩემი აზრით, საქართველო ძალიან საშიშ მდგომარეობაშია. აბსოლუტურად საშიშში. ქვეყანას მართავენ ადამიანები, რომლებსაც საქართველოსთვის სრულიად არაევროპული სცენარი აქვთ". - განაცხადა პეტრას ავსტრევიჩუსმა.

ავტორი: ექსპრესნიუსი,

სოციალური ქსელები

საქართველოს საპატრიარქო მოსკოვში ვიზიტს არ გამორიცხავს: დიალოგი გაგრძელდება

აბიტურიენტებს კვლავ ექნებათ თავისუფალი ადგილების მქონე საგანმანათლებლო პროგრამებიდან სასურველის არჩევის შესაძლებლობა

თბილისის ბაგა-ბაღების მართვის სააგენტო - N61 ბაგა-ბაღი კუთვნილ შენობაში გააგრძელებს ფუნქციონირებას

იოსელიანმა მსჯავრდებულ გიორგი დავითაძის მიმართ არასათანადო მოპყრობის ან ფიზიკური ძალადობის ამსახველი მტკიცებულება ვერ ნახა