უკრაინის პრეზიდენტმა ვოლოდიმირ ზელენსკიმ დაასახელა რუსეთთან ომში დაღუპული უკრაინელი მებრძოლების ახალი რიცხვი, რომელიც მისივე მტკიცებით, თითქმის რვაჯერ ნაკლებია რუსეთის არმიის დანაკარგზე.

ბრიტანელ ჟურნალისტთან, პირს მორგანთან ინტერვიუში, რომელიც 4 თებერვალს, ღამით YouTube-ზე გამოქვეყნდა, პრეზიდენტმა ზელენსკიმ განაცხადა, რომ რუსეთის წინააღმდეგ ომში დაიღუპა 45 100 და დაიჭრა დაახლოებით 390 000 უკრაინელი მებრძოლი, დაკარგულად მიჩნეულების და დატყვევებულების რიცხვი კი დაზუსტებული არ არის.

რაც შეეხება რუსეთის არმიის დანაკარგებს, ზელენსკის თანახმად, მოკლულია დაახლოებით 350 000 სამხედრო, დაჭრილია 600 000-700 000 და დაკარგულად ითვლება 50 000-70 000.

ეს მონაცემები დამოუკიდებელი წყაროებით გადამოწმებული არ არის. უკრაინა და რუსეთი რეგულარულად არ აქვეყნებენ ინფორმაციას თავისი დანაკარგების შესახებ.

ავტორი: ექსპრესნიუსი,

სოციალური ქსელები

ფონ დერ ლაიენმა გაკიცხა ნატოს გენერალური მდივანი, რომელმაც თქვა, რომ „შეერთებული შტატების გარეშე უსაფრთხოება არ არსებობს“

რუბიო ამბობს, რომ ტრამპი მშვიდობასა და დასავლურ ღირებულებებს ესხმის თავს, რადგან „ევროპაზე ზრუნავს“

როიტერი: ტრამპი ირანის წინააღმდეგ მრავალკვირიანი ოპერაციის დასაწყებად ემზადება

6 წელზე მეტი წლოვანების ავტომობილების შემოყვანაზე აკრძალვა ელექტრომობილებს არ შეეხება