გრძელდება ბიძინა ივანიშვილის „გასაოცარი დემოკრატია“, სადაც პოლიცია ხალხზე, პროკურატურა - კანონებზე და სასამართლო - სამართალზე ძალადობს, - ამის შესახებ „თანაინვესტირების ფონდის“ ყოფილმა ხელმძღვანელმა, გიორგი ბაჩიაშვილმა მის საქმესთან დაკავშირებული სასამართლო სხდომის დაწყებამდე ჟურნალისტებთან განაცხადა.

მისი თქმით, დღევანდელ პროცესზე „ბიძინა ივანიშვილის თანამშრომლები სხვა მხრიდან დაიწყებენ მტკიცებას, რომ ბანკი ბანკი არ არის და ბიძინა ივანიშვილის სიტყვაზე უნდა იყოს დამოკიდებული კანონიც და სამართალიც“.

„გრძელდება ბიძინა ივანიშვილის „გასაოცარი დემოკრატია“, სადაც პოლიცია ხალხზე, პროკურატურა - კანონებზე და სასამართლო - სამართალზე ძალადობს. დღეს ალბათ, მორიგი სერია გვექნება, ბიძინა ივანიშვილის რომელიმე თანამშრომელი სხვა მხრიდან დაგვიწყებენ მტკიცებას, რომ ბანკი ბანკი არ არის და ბიძინა ივანიშვილის სიტყვაზე უნდა იყოს დამოკიდებული კანონიც და სამართალიც“, - განაცხადა გიორგი ბაჩიაშვილმა.

ცნობისთვის, გიორგი ბაჩიაშვილისთვის წარდგენილი ბრალდება 2017 წელს განხორციელებულ ქმედებას ეხება. კერძოდ, პროკურატურის ინფორმაციით, ბაჩიაშვილმა ინვესტორს ჩადებული ინვესტიციიდან მიღებული სრული მოგების სანაცვლოდ მხოლოდ 536 900 აშშ დოლარი გადასცა, ხოლო დარჩენილი ინვესტორის კუთვნილი 8986 ოდენობის ბიტკოინი მართლსაწინააღმდეგოდ მიითვისა, რომლის ღირებულებაც მისი მართლსაწინააღმდეგოდ დაუფლების პერიოდში 43 მილიონამდე აშშ დოლარს შეადგენდა.

გიორგი ბაჩიაშვილი წარდგენილ ბრალდებაში თავს დამნაშავედ არ მიიჩნევს.

მას აღკვეთის ღონისძიების სახით 2 500 000-ლარიანი გირაო აქვს შეფარდებული, ასევე დაწესებული აქვს დამატებითი შემზღუდავი ღონისძიებები.

აღნიშნული ქმედება 9-დან 12-წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება