კოალიცია „ცვლილებისთვის“ წევრმა, ნინო კვიტაიშვილმა, ბათუმის პოლიციის უფროსს, ირაკლი დგებუაძეს საჯაროდ მიმართა.

„მინდა, რომ ირაკლი დგებუაძემ, რომელიც წლების განმავლობაში სკოლაში ჩემი მოსწავლე იყო, იცოდეს ჩემი პოზიცია. მე გამოვფინე ეს ბანერი, როგორც სოლიდარობის ნიშნად მზია ამაღლობელის მიმართ. ირაკლი, მე შენ საქართველოს ისტორიას გასწავლიდი და მინდა იცოდე, რომ ისტორია ახლა იწერება, მისი ერთ-ერთი შემქმნელი კი მზია ამაღლობელია. ისტორიას ჰყავს გმირები და ანტიგმირები – მზია ამაღლობელი ამ ისტორიის გმირია, სამწუხაროდ, შენ კი ანტიგმირი ხარ,“ – განაცხადა კვიტაიშვილმა.

ამასთან, ოპოზიციონერმა დეპუტატებმა თბილისის საკრებულოს შენობაზე რეჟიმის პატიმრების მხარდამჭერი ბანერი გადმოფინეს.

ჟურნალისტი მზია ამაღლობელი, რომელიც ბათუმელებისა და ნეტგაზეთის დამფუძნებელია, უკვე 21-ე დღეა, საპატიმროში შიმშილობს. ის სამართალდამცავებმა ირაკლი დგებუაძისთვის სილის გარტყმის გამო დააკავეს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია