დონალდ ტრამპის ადმინისტრაცია განიხილავს აშშ-ის საერთაშორისო განვითარების სააგენტოს (USAID) შემცირებას და მისი ფუნქციების სახელმწიფო დეპარტამენტის კონტროლის ქვეშ მოქცევას. ამის შესახებ ინფორმაციას „როიტერი“ ავრცელებს.

გავრცელებული ცნობით, „ეროვნული უსაფრთხოების საბჭომ“ (NSC) მიმდინარე კვირაში აღნიშნულ საკითხზე დისკუსიებს უმასპინძლა, თუმცა საბოლოო გადაწყვეტილება ჯერ არ მიღებულა.

„როიტერთან“ ერთ-ერთი წყაროს ინფორმაციით, თეთრი სახლი იკვლევს იურიდიულ მექანიზმებს, რომლებიც შესაძლოა დონალდ ტრამპს USAID-ის დამოუკიდებლობის დასასრულებლად აღმასრულებელი ბრძანების გამოყენების საშუალებას მისცემდეს.

ამასთან, გაურკვეველია, აქვს თუ არა ტრამპს კონგრესის გვერდის ავლით ასეთი ბრძანების გამოცემის უფლება.

გავრცელებული ინფორმაციით, აღნიშნული განხილვებში მონაწილეობდნენ ახლად შექმნილი მთავრობის ეფექტურობის დეპარტამენტის ოფიციალური პირებიც, რომელთა მუშაობას ტრამპის მრჩეველი, მილიარდერი ილონ მასკი ხელმძღვანელობს. მათ, სავარაუდოდ, ამ კვირაში ვაშინგტონის ცენტრში მდებარე USAID-ის შტაბ-ბინაც მოინახულეს.

ავტორი: ექსპრესნიუსი,

სოციალური ქსელები

თიბისი უკვე საერთაშორისო ტრანზაქციების განაწილების შესაძლებლობასაც გაძლევთ

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი