"ქართული ოცნების“ დეპუტატმა, ლევან მაჭავარიანმა, ევროპის საბჭოს საპარლამენტო ასამბლეის (PACE) მიერ მიღებულ რეზოლუციასთან დაკავშირებით განაცხადა, რომ დოკუმენტში მოცემული პირობები საქართველოს სუვერენიტეტის უხეში უპატივცემულობაა.

მისი თქმით, ერთ-ერთი მთავარი საკითხი, რაც „ქართულ ოცნებას“ მიუღებლად მიაჩნია, არის ახალი არჩევნების ჩატარების მოთხოვნა, რადგან, მისი შეფასებით, საქართველოში არჩევნები მაღალი სტანდარტებით ჩატარდა.

„PACE-მა ცნო ჩვენი დელეგაციის უფლებამოსილება, თუმცა ამას თან დათქმები მოჰყვა, რაც ჩვენთვის მიუღებელია. პირველ რიგში, ჩვენთვის „წითელი ხაზია“ ახალი არჩევნების მოთხოვნა. ეს გადაწყვეტილება ეროვნულ თავმოყვარეობაზე დაფუძნებული იყო, რისი დეფიციტიც, სამწუხაროდ, ჩვენს ოპონენტებს აქვთ. საქართველოში არჩევნები ძალიან მაღალი სტანდარტებით ჩატარდა. დარწმუნებულები ვართ, რომ საბოლოოდ საღი აზრი გაიმარჯვებს, როგორც ეს ამერიკის შეერთებულ შტატებში მოხდა, და ამის შემდეგ ჩვენი დელეგაცია საპარლამენტო მუშაობას PACE-ში განაახლებს,“ – განაცხადა მაჭავარიანმა.

„ქართული ოცნების“ გადაწყვეტილება PACE-ის მუშაობაში მონაწილეობის შეწყვეტის შესახებ

ევროპის საბჭოს საპარლამენტო ასამბლეამ (PACE) საქართველოს მოუწოდა მომდევნო თვეებში ახალი არჩევნების ჩატარებისკენ, პოლიტპატიმრების გათავისუფლებისკენ და ევროინტეგრაციის კურსის გაგრძელებისკენ.

PACE-ის კენჭისყრის შედეგებით, 134 დეპუტატიდან რეზოლუციას 114-მა მხარი დაუჭირა, 13 წინააღმდეგ წავიდა, ხოლო 7-მა თავი შეიკავა.

რეზოლუციის მიღების შემდეგ, „ქართულმა ოცნებამ“ განაცხადა, რომ ევროპის საბჭოს საპარლამენტო ასამბლეაში მუშაობას წყვეტს.

როგორც კულტურის მინისტრმა, თეა წულუკიანმა, გადაწყვეტილების გამოცხადებისას განმარტა, დოკუმენტში არაერთი დათქმაა, რომელიც უსამართლო და საფუძველს მოკლებულია, რის გამოც მისი მიღება მიუღებელია.

ავტორი: ექსპრესნიუსი,

სოციალური ქსელები

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, კიდევ 18 მეწარმე გადამზადდა

ეკონომიკური ზრდა მოლოდინებთან თანხვედრაშია, ინფლაციის სტრუქტურა იცვლება.

არასამთავრობო ორგანიზაციები პატიმრის გაუპატიურების ფაქტზე ხელისუფლების დაუყოვნებლივ რეაგირებას ითხოვენ