შვედეთში აფეთქებების რეკორდული რაოდენობის ორგანიზებაში ეჭვმიტანილი დააკავეს, – ამის შესახებ შვედური მედია წერს. როგორც მედია იუწყება, მხოლოდ ბოლო 24 საათის განმავლობაში შვედეთში ექვსი აფეთქება მოხდა.

„დაკავებულს მნიშვნელოვანი როლი ჰქონდა ამ აფეთქებებში. ამის მთავარი მიზეზებია ის, რომ შვედეთის გარეთ არიან ადამიანები, რომლებიც სხვადასხვა გზით აკონტროლებენ და კოორდინირებას უწევენ ამას, ასევე ის, რომ არის ბევრი ახალგაზრდა, რომლებიც მზად არიან, მიიღონ ეს დავალებები“, – განაცხადა სტოკჰოლმის პოლიციის უფროსის მოადგილემ, მაქს ოკერვალმა.

მიმდინარე წელს შვედეთში უკვე 30-ზე მეტი აფეთქება მოხდა, მათი უმეტესობა – სტოკჰოლმში. პოლიციის მონაცემებით, აფეთქებების მიზეზებია კრიმინალურ დაჯგუფებებს შორის კონფლიქტები, ასევე გამოძალვის შემთხვევების მკვეთრი ზრდა, პირველ რიგში, ბიზნესის მფლობელებისგან, მაგრამ ასევე კერძო პირებისგანაც.

შვედეთის პრემიერ-მინისტრმა, ულფ კრისტერსონმა აფეთქებები „შიდა ტერორიზმად“ შეაფასა. შვედეთის იუსტიციის მინისტრმა, გუნარ სტრომერმა 30 იანვარს ორგანიზებული დანაშაულის წინააღმდეგ საბჭოს რიგგარეშე სხდომა მოიწვია.

როგორც მედია წერს, ამ სიტუაციის ფონზე საკონსულტაციო კომისია შვედეთის მთავრობას სთავაზობს, დროებით გაამკაცროს სასჯელი მძიმე დანაშაულებისთვის 14 წლის ასაკიდან.

ავტორი: ექსპრესნიუსი,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ