PACE-ის მონიტორინგის კომისია ასამბლეას საქართველოსთან დაკავშირებით ორ ვარიანტს სთავაზობს - საქართველოს დელეგაციის მანდატების გარკვეული პირობებით აღიარებისა და არაღიარების, - ამის შესახებ ევროპის საბჭოს საპარლამენტო ასამბლეის (PACE) მონიტორინგის კომისია ავრცელებს სამუშაო დოკუმენტს.

„2024 წლის 26 ოქტომბრის საპარლამენტო არჩევნების შემდეგ, მათ შორის შეკრების თავისუფლების დარღვევის შემთხვევები, ოპოზიციისა და სამოქალაქო საზოგადოების რეპრესირება ეწინააღმდეგება საქართველოს წევრობის ვალდებულებებს და ევროპის საბჭოში წევრობის ვალდებულებებსაც. შესაბამისად, ასამბლეას საქართველოს ოფიციალური პირებისგან სჭირდება ცხადი გარანტიები, რომ ისინი გულწრფელად აპირებენ დემოკრატიული უკუსვლის შემობრუნებას და წევრობის ვალდებულებების შესრულებას“, - ნათქვამია განცხადებაში.

შემდგომში, მონიტორინგის კომისია ასამბლეას ორ ვარიანტს სთავაზობს:

პირველი ვარიანტის თანახმად, საქართველოს დელეგაციის მანდატები იქნება რატიფიცირებული იმ პირობით, რომ 2025 წლის აპრილამდე საქართველოს ოფიციალური პირები:

• დაიწყებენ „ნამდვილად დემოკრატიული ახალი არჩევნების ჩასატარებლად საარჩევნო გარემოს“ შექმნაზე მუშაობას ოპოზიციასთან და სამოქალაქო საზოგადოებასთან ერთად;

• გადადგამენ ნაბიჯებს ევროკავშირში გაწევრიანების აღსადგენად;

• დაასრულებენ პოლიციურ სისასტიკესა და ადამიანის უფლებების დარღვევებს;

• შეწყვეტენ დემონსტრანტების, ჟურნალისტებისა და სამოქალაქო ლიდერების წინააღმდეგ სამართლებრივი პროცედურების ბოროტად გამოყენებას და ბოლომდე პატივს სცემენ გამოხატვისა და შეკრების უფლებას.

ამ ვარიანტში, ასამბლეა 2025 წლის აპრილში შეაფასებს ამ პუნქტებზე საქართველოს პროგრესს და ექნება შესაძლებლობა საქართველოს დელეგაციის მანდატებს გადახედოს, მათ შორის შეაჩეროს კიდეც.

მონიტორინგის კომისიის მიერ მომზადებულ მეორე ვარიანტში საქართველოს ოფიციალური პირებისადმი მოთხოვნები იგივე რჩება. ერთადერთი სხვაობა იმაში მდგომარეობს, რომ ამ ვარიანტში არ მოხდება PACE-ში საქართველოს დელეგაციის მანდატების რატიფიცირება.

ავტორი: ექსპრესნიუსი,

სოციალური ქსელები

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, კიდევ 18 მეწარმე გადამზადდა

ეკონომიკური ზრდა მოლოდინებთან თანხვედრაშია, ინფლაციის სტრუქტურა იცვლება.

არასამთავრობო ორგანიზაციები პატიმრის გაუპატიურების ფაქტზე ხელისუფლების დაუყოვნებლივ რეაგირებას ითხოვენ