ევროკავშირის საბჭომ მიიღო გადაწყვეტილება, საქართველოს დიპლომატიური და სამსახურებრივი პასპორტების მფლობელებისთვის უვიზო რეჟიმის შეჩერების შესახებ. ეს გადაწყვეტილება ევროკავშირის საგარეო საქმეთა მინისტრების შეხვედრაზე დამტკიცდა და უახლოეს დღეებში შევა ძალაში.  

აღნიშნული შეზღუდვა შეეხება საქართველოს ოფიციალური დელეგაციების წევრებს, რომლებიც მონაწილეობენ ევროკავშირის ტერიტორიაზე გამართულ ოფიციალურ შეხვედრებსა და ღონისძიებებში, ასევე ეროვნული და რეგიონული მთავრობებისა და პარლამენტების, საკონსტიტუციო და უზენაესი სასამართლოების წევრებსა და დიპლომატიური პასპორტების მფლობელებს.  

საქართველოს საგარეო საქმეთა მინისტრმა, მაკა ბოჭორიშვილმა, აღნიშნული გადაწყვეტილება “ტექნიკურ ნაბიჯად” შეაფასა და აღნიშნა, რომ ის არ იმოქმედებს საქართველოს მოქალაქეებზე, რომლებიც ჩვეულებრივი პასპორტებით სარგებლობენ. ისინი კვლავაც ისარგებლებენ უვიზო მიმოსვლით ევროკავშირში ხანმოკლე ყოფნისას.  

ევროკავშირის საბჭოს განცხადებით, ეს ნაბიჯი უკავშირდება საქართველოში დემოკრატიული უკუსვლისა და რეპრესიების საკითხებს. საბჭოს პრესრელიზში აღნიშნულია, რომ ძირითადი უფლებები და დემოკრატიული ღირებულებები ევროკავშირში ინტეგრაციის ძირითადი პრინციპებია, და იმ ქვეყნის ოფიციალურმა პირებმა, რომლებიც ამ ღირებულებებს არღვევენ, ევროკავშირში გამარტივებული შესვლით არ უნდა ისარგებლონ.  

აღსანიშნავია, რომ ეს შეზღუდვები არ ვრცელდება საქართველოს მოქალაქეებზე, რომლებიც ჩვეულებრივი პასპორტის მფლობელები არიან; ისინი კვლავაც ისარგებლებენ უვიზო რეჟიმით ევროკავშირში ხანმოკლე ყოფნისას.  

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია