გენერალურ პროკურატურასთან შეკრებილი მედიის წარმომადგენლები და მოქალაქეები, რომლებიც „ბათუმელებისა“ და „ნეტგაზეთის“ დამფუძნებლის, მზია ამაღლობელის გათავისუფლებას მოითხოვენ, ახლა „ქართული ოცნების“ ცენტრალურ ოფისთან მსვლელობით გადაინაცვლეს.

აქციის მონაწილეები მოითხოვენ, რომ ჟურნალისტი მზია ამაღლობელი გათავისუფლდეს, ხოლო გენერალურ პროკურორს, გიორგი გაბიტაშვილს, მიმართავენ, რომ სასამართლოს ახალი შუამდგომლობით მიმართოს და მზია ამაღლობელი გაათავისუფლოს.

ადგილზე სხვადასხვა ტელეკომპანიების და გამოცემების ჟურნალისტები, შემოქმედებითი სფეროს წარმომადგენლები და პოლიტიკოსები იმყოფებიან.

აქციის მონაწილეები სკანდირებენ: „თავისუფლება მზია ამაღლობელს“, „თავისუფლება პოლიტპატიმრებს“, „ცეცხლი ოლიგარქიას“.

ცნობისთვის, ბათუმის საქალაქო სასამართლომ „ბათუმელებისა“ და „ნეტგაზეთის“ დამფუძნებელს, მზია ამაღლობელს, აღკვეთის ღონისძიების სახით პატიმრობა შეუფარდა. აღნიშნული გადაწყვეტილება მოსამართლე ნინო სახელაშვილმა მიიღო. მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მზია ამაღლობელი ბათუმში, პოლიციის მთავარ სამმართველოსთან აქციის დროს თავდაპირველად ადმინისტრაციული, შემდეგ კი სისხლის სამართლის წესით დააკავეს.

მზია ამაღლობელი დაკავებიდან დღიდან შიმშილობს, და მისი შიმშილობის მე-16 დღეა.

ავტორი: ექსპრესნიუსი,

სოციალური ქსელები

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება

არასრულწლოვანი შვილიშვილი აიძულა, ცოლად გაჰყოლოდა თანასოფლელს - მარნეულში ქალი დააკავეს