„არა საქართველოს მიტაცებას" - ამ სლოგანით ძველი იპოდრომის ტერიტორიაზე აქცია-კონცერტი მიმდინარეობს. კონცერტი საქართველოს მუსიკოსთა პროფესიული კავშირის, სოლიდარული მუსიკოსების და სამოქალაქო მოძრაობა „იპოდრომი - უბეტონო მხარეს“ ორგანიზებით ტარდება. კონცერტში მონაწილე მუსიკოსები აპროტესტებენ იპოდრომის ტერიტორიაზე დაგეგმილ მშენებლობებს.

როგორც მოძრაობა „იპოდრომი უბეტონი მხარის” დამფუძნებელმა ელენე ცერცვაძემ განაცხადა, იპოდრომის ძველ ტერიტორიაზე „ვისოლ ჯგუფის“ ხელმძღვანელი სოსო ფხაკაძე მაღალსართულიანი კორპუსების მშენებლობას აპირებს, რაც დაუშვებელია.

„იპოდრომის სამეზობლო თემი მეოთხე წელია აპროტესტებს იპოდრომის განადგურებას, მეოთხე წელია ვცდილობთ რაიმე სასიკეთოდ შევცვალოთ, მაგრამ ნაცვლად ჩვენი მოსმენის და თანამშრომლობისა მერიამაც და მფლობელებმაც აირჩიეს საპირისპირო გზა. 2024 წლის ზაფხულში იპოდრომის ტყის ნაწილს შეეცვალა სარეკრეაციო „ზონა ერთის” სტატუსი და ახალ მფლობელს, სოსო ფხაკაძეს, „ვისოლი ჯგუფს” საკრებულომ, ფაქტობრივად, ე.წ. მწვანე შუქი აუნთო ტერიტორიის სამშენებლო მიზნებისთვის გამოყენებისთვის. ახლა, უკვე, როცა ორი თვეა საქართველოს მოსახლეობა არის აქტიურ პროტესტში და არავის სცალია სხვა პროტესტებისა და პრობლემებისთვის 31 დეკემბერს მფლობელმა ორი ცათამბჯენის მშენებლობაზე მერიაში სამშენებლო ნებართვაზე შეიტანა განაცხადი. დღევანდელი დღეც, ისევე, როგორც ჩვენი ოთხწლიანი ბრძოლა ეთმობა იმას, რომ ერთხელ და სამუდამოდ გაიგოს, ეს იქნება ბიზნესი თუ სხვა ადგილობრივი მთავრობა, რომ არ შეიძლება სარეკრეაციო ზონების მოსახლეობის ინტერესების და ყველაფრის გადათელვა“, - განაცხადა ელენე ცერცვაძემ.

ავტორი: ექსპრესნიუსი,

სოციალური ქსელები

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება

არასრულწლოვანი შვილიშვილი აიძულა, ცოლად გაჰყოლოდა თანასოფლელს - მარნეულში ქალი დააკავეს