2025-01-25 08:49:40, 541 ნახვა
მსოფლიო
ირლანდიასა და გაერთიანებულ სამეფოს შტორმმა „იოვინსმა“ გადაუარა - არის მსხვერპლი
ირლანდიასა და გაერთიანებულ სამეფოს შტორმმა „იოვინსმა“ გადაუარა. ქარის სიჩქარე საათში 160 კმ-ს აღწევს. შტორმის შედეგად დაღუპულია ერთი ადამიანი – ირლანდიის მკვიდრი მამაკაცი, რომლის ავტომობილსაც ძლიერი ქარისგან მოგლეჯილი ხე დაეცა.
სტიქიამ ელექტროენერგიის გარეშე დატოვა მილიონამდე აბონენტი გაერთიანებულ სამეფოში, სადაც განგაშის წითელი დონე იყო გამოცხადებული.
ირლანდიაში სასმელი წყლის გარეშე 1 800-მდე მოსახლეა დარჩენილი. ადგილობრივ ხელისუფლებაში ამბობენ, რომ აბონენტთა ნაწილს ელექტროენერგიის მიწოდება, შესაძლოა, უახლოესი ათი დღის განმავლობაში ვერ აღუდგინონ.
ავტორი: ექსპრესნიუსი,
epn.ge (@expressnews.ge)
