2025-01-24 17:53:08, 814 ნახვა
სამართალი
სახალხო დამცველის აპარატი - პატიმარი ნიკა კაცია ციხეში საკვების მიუღებლობას ადასტურებს
სახალხო დამცველის აპარატის ცნობით, გლდანის მერვე დაწესებულებაში მყოფმა პატიმარმა, ნიკა კაციამ, მათი წარმომადგენლებს დაუდასტურა, რომ ციხეში მას საჭმელს არ აჭმევენ.
ნიკა კაციასთან სახალხო დამცველის აპარატის წარმომადგენლები დღეს, 24 იანვარს, შევიდნენ მას შემდეგ, რაც გავრცელდა ინფორმაცია, რომ პატიმარს ციხეში არასათანადოდ ეპყრობიან.
დაკავებული აქტივისტის, საბა სხვიტარიძის დედამ, ლელა ახობაძემ, განაცხადა, რომ ნიკა კაცია უკვე რამდენიმე დღეა, მშიერია.
სახალხო დამცველის აპარატმა აღნიშნულ ფაქტზე ინფორმაციის მოკვლევა დაიწყო.
ავტორი: ექსპრესნიუსი,
epn.ge (@expressnews.ge)
