საპარლამენტო უმრავლესობის ლიდერის, მამუკა მდინარაძის განცხადებით, მას შემდეგ, რაც ბიძინა ივანიშვილმა „დიფ სთეითზე“ დეტალურად ისაუბრა, მისი დასჯა და შანტაჟი გადაწყვიტეს მეორე შვეიცარული ბანკის რეპუტაციის განადგურების ხარჯზე.

მდინარაძის თქმით, როგორც ჩანს, ვერ გაიცნეს ბიძინა ივანიშვილი, რომელმაც თავის დროზე გადადო საკუთარი თავი სამშობლოსთვის და ახლა ფულით დაშანტაჟება მასთან ვერანაირ შედეგს ვერ მოიტანს.

„ეს არა მხოლოდ ბიძინა ივანიშვილის წინააღმდეგ, არამედ საქართველოს წინააღმდეგ არის მიმართული, რადგან წმინდა წყლის პოლიტიკური შანტაჟია. მას შემდეგ, რაც ბატონმა ბიძინამ ისაუბრა „დიფ სთეითზე“, უფრო ღრმად შევიდა ამ თემაში, გაშალა ეს თემა, ქართული და არამხოლოდ ქართული საზოგადოებისთვის ბევრი დამატებითი დეტალი გახადა ცნობილი, გადაწყვიტეს, უკვე მეორე შვეიცარული ბანკის რეპუტაცია არაფრად ჩაეგდოთ, გაენადგურებინათ, ოღონდ დასაჯონ საქართველო, დასაჯონ ბიძინა ივანიშვილი და პოლიტიკური შანტაჟი მოუწყონ საქართველოსაც და ბიძინა ივანიშვილსაც.

ბუნებრივია, აქედან დასკვნის გამოიტანა არავის გვიჭირს. მარტივი ამბავია – ერთი ბანკი გაანადგურეს ერთი ადამიანის შანტაჟისთვის, რომელმაც თავისი ქვეყანა არ გაწირა და ეს პირადი თემა, პირადი შანტაჟი არ გადავიდა ქვეყანაზე, უარყოფითად არ აისახა და მყარად დაუდგა წინ ამ ყველაფერს. უკვე მას შემდეგ, რაც „დიფ სთეითზე“ დეტალურად ისაუბრა, მისი დასჯა და შანტაჟი გადაწყვიტეს მეორე ბანკის რეპუტაციული განადგურების ხარჯზე, მაგრამ რაც უნდა შვეიცარული ბანკები გაანადგურონ, ეს ადამიანი მათ, როგორც ჩანს, ვერ გაიცნეს. აზრი არ აქვს, ადამიანმა თავის დროზე გადადო საკუთარი თავი თავისი სამშობლოსთვის და ახლა ფულით დაშანტაჟება, ბუნებრივია, მასთან ვერანაირ შედეგს, ვერანაირი ბანკის რეპუტაციის განადგურების ხარჯზე თუ ა.შ. ვერ მოიტანს“, – განაცხადა მამუკა მდინარაძემ.

„ქართული ოცნება – დემოკრატიული საქართველოს“ საპატიო თავმჯდომარის, ბიძინა ივანიშვილის ადვოკატის, ლაშა კალანდაძის ინფორმაციით, ბიძინა ივანიშვილი Julius Baer-ს სასამართლოში უჩივის

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია