იურისტები, ფსიქოლოგები, მასწავლებლები და ჟურნალისტები სოლიდარობას უცხადებენ რეჟიმის ტყვეებს და ეროვნული არქივის მიმდებარე ტერიტორიიდან, მსვლელობით ჯერ საზოგადოებრივ მაუწყებელთან გადაინაცვლებენ, შემდეგ კი რუსთაველის გამზირზე, პარლამენტის წინ მიმდინარე აქციას შეუერთდებიან.

აქციის მონაწილეები რეჟიმის ქმედებებს „შიშზე დაფუძნებულად“ აფასებენ და აცხადებენ, რომ ხელისუფლებამ ხალხის გაჩუმებისა და დაშინებისთვის ყველა ღონე იხმარა.

„რეჟიმის ქმედებები მიანიშნებს შიშზე, მაგრამ ეს შიში ჩვენი კი არა, თავად რეჟიმის შიშია,“ – განაცხადა აქციის მონაწილემ.

მათი თქმით, ახალი ქართული საზოგადოება შიშისა და ტერორის დაძლევით გაერთიანდა:

„მინდა, ვუთხრა რუსეთის მარიონეტ ხელისუფლებას – ჩვენ დასაკარგი არაფერი გვაქვს! ჩვენს უკან ჩვენი მშობლები და შვილები დგანან და ჩვენ ვიბრძოლებთ!“

აქციის მონაწილეები ახალი სამართლიანი არჩევნების დანიშვნის მოთხოვნით გამოდიან და მედიაზე განხორციელებულ ზეწოლას აპროტესტებენ:

„როცა ჟურნალისტს გამოკეტავ გისოსებს მიღმა, აპატიმრებ სიტყვას. რუსული ‘ოცნების’ მომხრეებო, შემდეგ თქვენი სიტყვაც იქნება გისოსებში გამოკეტილი. გამოფხიზლდით!“

მარშის მონაწილეები სოლიდარობას უცხადებენ პოლიტპატიმრებს და დაკავებულ ჟურნალისტებს. ისინი ხელისუფლებას მოუწოდებენ, უარი თქვან ხალხის ჩახშობაზე და ქვეყანას დემოკრატიული განვითარების საშუალება მისცენ.

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა