ბათუმის შოთა რუსთაველის სახელობის სახელმწიფო უნივერსიტეტის (ბსუ) რექტორობის კანდიდატი, არჩილ გუჩმანიძე, აცხადებს, რომ რექტორობის კანდიდატად დარეგისტრირების შემდეგ „კეთილისმსურველები“ დაუკავშირდნენ და მუქარის გზით მის კანდიდატურის მოხსნას ცდილობენ.

გუჩმანიძის თქმით, მას დღეს საღამომდე მისცეს ვადა, რათა კანდიდატურა უკან გაეთხოვა, წინააღმდეგ შემთხვევაში მას და მის ოჯახის წევრებს პრობლემებს შეუქმნიდნენ.

„დღეს საღამოს მივიღე გადაწყვეტილება და ვეუბნები ქოცებს: გელოდებით 21 იანვარს, 14:00 საათზე რექტორის არჩევნებზე,“ – წერს გუჩმანიძე სოციალურ ქსელში.

გუჩმანიძე მედიასაშუალებებს სთხოვს, პირდაპირ ეთერში გააშუქონ რექტორის არჩევნების პროცესი და მისცენ მას შესაძლებლობა, არჩევნების დასრულების შემდეგ კომენტარი გააკეთოს.

„უნივერსიტეტს ვკარგავთ! უნივერსიტეტს გვართმევენ!“ – აღნიშნა მან და ბსუ-ს აკადემიურ პერსონალსა და სტუდენტებს მოუწოდა, აქტიურად დააფიქსირონ თავიანთი პოზიცია.

გუჩმანიძის თქმით, მუქარის გარდა, მის წინააღმდეგ შესაძლოა პროვოკაციები დაიგეგმოს:

„ვფიქრობ, უახლოეს დღეებში პროვოკაციებს მომიწყობენ. ჩემთან მოდით, მზად ვარ, ოჯახს თავი დაანებეთ. მინდა გავაფრთხილო ‘იცის ვინც’ – ჩემს ოჯახის რომელიმე წევრს თმის ღერი რომ ჩამოუვარდეს, ამას არავის შევარჩენ!“

არჩილ გუჩმანიძემ რექტორობის კანდიდატად დარეგისტრირება რამდენიმე საათით ადრე დააანონსა. 21 იანვარს ბსუ-ს რექტორის არჩევნები გაიმართება.

ავტორი: ექსპრესნიუსი,

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა