„სტრატეგია აღმაშენებლის“ ერთ-ერთმა ლიდერმა, პაატა მანჯგალაძემ „ქართული ოცნების“ პოლიტიკური საბჭოს განცხადება გააკრიტიკა  , რომელიც ბიძინა ივანიშვილის სანქცირების საკითხს ეხებოდა.მისი თქმით, აღნიშნული ნაბიჯი „სიგიჟის ზღვარი“ და „ღალატია“.

„როცა საუბრობენ იმაზე, რომ ივანიშვილი თუ დასანქცირდა ბრიტანეთის რეპუტაციას, ბრიტანეთის ერთგულებას დემოკრატიისთვის, თავისუფლებისთვის თურმე საფრთხე მიადგება, ეს არის იმ „ოპერიდან“, როცა ამბობდნენ, რომ ბიძინა ივანიშვილს ვურჩიეთ, არ გაესაჩივრებინა შვეიცარიის ბანკებში ეს საქმეები, თორემ შვეიცარიის საბანკო სისტემა ჩამოიშლებოდაო. თურმე ბიძინა ივანიშვილის 2 მილიარდის გამო დაიშლებოდა შვეიცარია, ასეთი სიგიჟეები არ უნდა დავიჯეროთ“,-განაცხადა მანჯგალაძემ.

მისი განმარტებით, ყველა გადაწყვეტილება, რასაც პარტნიორები საქართველოს და მოქალაქეების მხარდაჭერისთვის იღებენ, იმ ხალხის დამსახურებაა, რომლებიც 50 დღის მანძილზე უწყვეტად დგას რუსთაველის გამზირზე.

„მიუხედავად გაყალბების მტკიცებულებისა, მიუხედავად იმისა, რომ უამრავი განცხადება გავაკეთეთ, ხალხი რომ ქუჩაში არ გამოსულიყო, პარტნიორების მხრიდან რეაქცია არ იქნებოდა. როცა დემოკრატია და ქვეყნის მომავალი საფრთხეშია, მეგობრები იქცევიან ისე, როგორც იქცევა აშშ და ბრიტანეთი. აზიანებენ არა საქართველოს, არამედ იმ ხელისუფლებას, რომელიც ეღობება ქართველ ხალხს ყველანაირი ევროპული სიკეთის მიღების გზაზე“, - განაცხადა მანჯგალაძემ.

ცნობისთვის, „ქართული ოცნების“ პოლიტიკური საბჭოს განცხადებით, ბიძინა ივანიშვილის წინააღმდეგ სანქციების დაწესების შემთხვევაში, ცხადად წარმოჩინდება, რომ „დიფ სთეითმა“ დიდი ბრიტანეთი უკრაინის, ლიეტუვის, ესტონეთისა და ევროპარლამენტის დონემდე დაიყვანა, რაც გამორჩეულად ტრაგიკულ მოვლენად უნდა შეფასდეს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია