2016-03-04 16:35:34, 499 ნახვა
საზოგადოება
თურქეთში ტერაქტის შედეგად 2 ადამიანი გარდაიცვალა, 35 კი დაშავდა
თურქეთში ტერაქტის შედეგად 2 ადამიანი გარდაიცვალა, 35 კი დაშავდა, - ამის შესახებ ინფორმაციას BBC ავრცელებს.
როგორც BBC იტყობინება, ტერაქტი თურქეთის აღმოსავლეთ რეგიონში მოხდა. დანაღმული მანქანა პოლიციის შენობასთან აფეთქდა.
აფეთქებამ მიმდებარე ტერიტორიაზე სხვა შენობებიც დააზიანა. უშიშროების სამსახურის ინფორმაციით, ტერაქტი ქურთთა მუშათა პარტიის წევრებმა განახორციელეს.
აფეთქების შემდეგ ადგილზე სამართალდამცავებსა და ქურთ მებრძოლებს შორის შეტაკებაც მოხდა. ანკარას ბრალდების მიუხედავად, ქურთ სეპარატისტებს ტერაქტზე პასუხისმგებლობა ამ დრომდე არ აუღიათ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
