5დეკემბერს დაკავებული ანრი კვარაცხელიას ცოლი ნუცა ერემენია, „რადიო თავისუფლებასთან“ მეუღლის  დაკავების დღეს იხსენებს და დეტალურად ყვება, თუ როგორ მოხდა კვარაცხელიას დაპატიმრება. მისი თქმით, პოლიციელებმა სახლში მყოფებზე ფიზიკურად იძალადა, რის შემდეგაც ნუცა ერემიანს მუცელი მოეშალა.

"ხმაური მომესმა, გავიხედე, ჩვენი ბინის მეპატრონე საუბრობდა ვიღაც უცხო ადამიანებთან ერთად და ჩავთვალე, რომ ალბათ მეზობლები იყვნენ, ან ვინმე შეიძლება მისი ნაცნობი ყოფილიყო. ანრის რომ ვუთხარი ეს ყველაფერი, ანრიმ თქვა, რომ მემგონი მოვიდნენო. კარები, რა თქმა უნდა, ჩაკეტილი გვქონდა, ამ დროს კარზე გვესმის ხმაური, როგორ ცდილობდნენ ბლაგვი ნივთით სახელურის გატეხვას და ჩუმად შემოჭრას სახლში.

მათი პირველი წინადადება იყო, რომ თუ შეიძლება მანქანა გადააყენეთ და ერთი ჭიქა წყალი რომ მომაწოდოთ, ცუდად ვარ. ჩვენ მანქანა არ გვყავს და უკვე გარკვეული მოცემულობიდან გამომდინარე ვიცოდით რაშიც მდგომარეობდა საქმე. რა თქმა უნდა, დაჟინებით ვთხოვდით, რომ დამადასტურებელი საბუთი ან ჩხრეკის ორდერი ან რაიმე მსგავსი დამადასტურებელი დოკუმენტი წარედგინათ, მაგრამ არა. რატომღაც ძალადობის მხარე უფრო აირჩიეს.

კარებს არ ვაღებდით, ჩვენი სახლი არცთუ ისე დიდი იყო და ფანჯრის მხრიდან მესმის ბრახუნი, როგორ ურტყამს წიხლს და მთლიანად, ხელებით როგორ აწვებიან ფანჯარას, ან გადმოანგრიონ შიგნით, ან ჩატყდეს... კარებს უკვე ვეღარც ვიჭერდით, სახელური იმდენად გატეხილი იყო, ძირს ჩამოვარდა და მხოლოდ ბუდე იყო გასაღების დარჩენილი კარებში. სახლში იყო დაახლოებით 15 ადამიანი, 2 ადამიანი მე მაკავებდა, 2 ანას აკავებდა, ჩემი მეუღლის დას, დანარჩენები ანრის, ჩემს მეუღლეს, იგერიებდნენ ცემით, წიხლებით, მუშტებით, გინებით... ერთ-ერთი ყველაზე დიდი რომელიც იყო, ჩემ წინ დადგა და ორივე ხელით ყელში მწვდა, კითხულობდა ჩემი მეუღლე სად არის და იგინებოდნენ დედის მიმართულებით... ანრი კი არ გაიყვანეს, გაათრიეს სახლიდან... ამ შეტაკებების დროს, რომელიც ჩვენს სახლში მოხდა, ამ ყველაფრის მერე, 2 კვირის თავზე დამეწყო სუნთქვითი პრობლემები, მიმდიოდა გული, ვერც ვჭამდი ვერც საჭმელს, ვერ ვიძინებდი... ეს სტრესის ბრალიც იყო, რა თქმა უნდა, მაგრამ ექიმთან როგორც კი წავედი, მითხრეს, რომ 3 კვირის ვადაზე მომეშალა მუცელი, იყო სტრესის ბრალი", - ჰყვება ნუცა ერემიანი.

ცხობისთვის, ანრი კვარაცხელია, 5დეკემბერს ე.წ. მოლოტოვის კოქტეილის გდდ-ს თანამშრომლისთვის სროლის ბრალდებით დააკავეს.

ავტორი: ექსპრესნიუსი,

სოციალური ქსელები

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება

არასრულწლოვანი შვილიშვილი აიძულა, ცოლად გაჰყოლოდა თანასოფლელს - მარნეულში ქალი დააკავეს