საქართველოს პარლამენტის უმრავლესობის ლიდერმა, მამუკა მდინარაძემ, ჟურნალისტებთან საუბრისას გიორგი გახარიასა და დიმიტრი სამხარაძეს შორის მომხდარ ინციდენტზე კომენტარი გააკეთა. მისი თქმით, არსებობს ვიდეოკადრები, რომლებიც ადასტურებენ, რომ გახარიამ დიმიტრი სამხარაძეს სახეში ჭიქა ჩაარტყა, რის შემდეგაც სამხარაძის რეაქცია საპასუხო იყო.

"ჩვენ უნდა ჩამოვყალიბდეთ - ვინ ვის დაესხა თავს. კადრში ჩანს, რომ გიორგი გახარიამ სახეში ჭიქა ჩაარტყა დიმიტრი სამხარაძეს. თუ ეს ასე იყო, მაშინ როგორ შეიძლება თავდასხმაზე საუბარი გახარიას მიმართ?“ - განაცხადა მდინარაძემ.

მისი თქმით, აღნიშნული ინციდენტი გამოძიებას საჭიროებს, რათა დადგინდეს, ჰქონდა თუ არა შემთხვევას პოლიტიკური მოტივი.

„თუ დადასტურდება, რომ გიორგი გახარიას ქმედებას პოლიტიკური სარჩული ჰქონდა, ეს საკმაოდ მძიმე სამართლებრივ შედეგს ითვალისწინებს. შესაძლოა, საქმე ეხებოდეს 325-ე მუხლის (სახელმწიფო თანამდებობის პირის მიმართ ძალადობის მცდელობა) დარღვევას, ამას გამოძიება დაადასტურებს. გამოძიებამ უნდა გასცეს კითხვას პასუხი, იყო თუ არა ეს პოლიტიკური სარჩულის მქონე ქმედება. თუმცა თავდასხმის ინიციატორი ერთმნიშვნელოვნად გახარია იყო “, – განაცხადა მდინარაძემ.

ავტორი: ექსპრესნიუსი,

სოციალური ქსელები

ირაკლი კობახიძე მზია ამაღლობელზე - სინამდვილეში, ეს ადამიანი არა ჟურნალისტი, არამედ პარტიული აქტივისტი არის

გიორგი ტაბატაძე - ირაკლი წულაია დაზარალებულად სცნეს წამების ფაქტზე პასუხისმგებლები კვლავ დაუსჯელები არიან

ნონა ქურდოვანიძე - ირაკლი დგებუაძემ მზია ამაღლობელს სახეში შეაფურთხა

ლევან იოსელიანი - მე პოზიციას ნამდვილად შევიცვლიდი, დღემდე რომ მენახა გაყალბების დამადასტურებელი მტკიცებულება