2025-01-09 15:44:18, 508 ნახვა
სამართალი
ქუთაისში, ნიკეას ქუჩაზე ავარია მსხვერპლით დასრულდა
დღეს, 9 იანვარს, ქუთაისში ნიკეას ქუჩაზე ავტოსაგზაო შემთხვევა მოხდა. ერთმანეთს ორი მსუბუქი ავტომობილი შეეჯახა, რის შედეგადაც ერთ-ერთი ავტომობილის მძღოლი, ახალგაზრდა ქალი, ადგილზე გარდაიცვალა.
შემთხვევის ადგილზე მობილიზებული იყო პოლიცია. შინაგან საქმეთა სამინისტრომ გამოძიება საქართველოს სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
აღნიშნული მუხლი 4-დან 7 წლამდე ვადით თავისუფლების აღკვეთას ითვალისწინებს. დამატებითი დეტალები ამ დროისთვის უცნობია.
ავტორი: ექსპრესნიუსი,
epn.ge (@expressnews.ge)
