გარემოსდაცვითი ინფორმაციისა და განათლების ცენტრში TAIEX-ის ფარგლებში სამუშაო შეხვედრა გაიმართა

2016-03-03 13:35:33, 553 ნახვა

საზოგადოება

გარემოსდაცვითი ინფორმაციისა და განათლების ცენტრში, საქართველოს გარემოსა და ბუნებრივი რესურსების დაცვის სამინისტროს ინიციატივით, ევროკომისიის ტექნიკური მხარდაჭერისა და ინფორმაციის გაცვლის ინსტრუმენტის (TAIEX) ფარგლებში სამუშაო შეხვედრა გაიმართა.

შეხვედრას გარემოსა და ბუნებრივი რესურსების დაცვის მინისტრის მოადგილე თემურ მურღულია ესწრებოდა.

გარემოსდაცვითი ინფორმაციისა და განათლების ცენტრის ინფორმაციით, შეხვედრა ევროკავშირის კვლევისა და ინოვაციების პროგრამის “ჰორიზონტ 2020”-ისათვის საპროექტო განაცხადის მომზადებასა და მისი შემდგომი განხორცილების გეგმებს ითვალისწინებდა.

შეხვედრის მონაწილეებმა ევროკავშირის წევრი ქვეყნების გამოცდილებიდან შერჩეული წარმატებული პროექტები განიხილეს.

სამუშაო შეხვედრას, სახელმწიფო და ბიზნეს სექტორის წარმომადგენლები და საერთაშორისო ექსპერტები ესწრებოდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან