საქართველოს მოსახლეობის თავისუფალ ნებაზე სასტიკ ძალადობას კატეგორიულად ვგმობთ,- ამის შესახებ ყოფილი საჯარო მოხელეები ერთობლივ განცხადებას ავრცელებენ.

როგორც ერთობლივ განცხადებაშია აღნიშნული, თითოეული საჯარო მოხელის თავდაუზოგავი მუშაობის შედეგად, ბევრი წარმატება იქნა მიღწეული ქვეყნის ევროინტეგრაციის მიმართულებით.

„ჩვენ მრავალი წელი გავატარეთ საჯარო სამსახურში და ყოველდღიური საქმიანობის ფარგლებში გულწრფელად და თავდაუზოგავად ვემსახურებოდით ქვეყნის განვითარებას და მის ევროპულ და ევროატლანტიკურ მისწრაფებებს.

თითოეული საჯარო მოხელის თავდაუზოგავი მუშაობის შედეგად, ბევრი წარმატება იქნა მიღწეული ქვეყნის ევროინტეგრაციის მიმართულებით.

თუმცა, ბოლო პერიოდში ხელისუფლების მიერ მიღებულმა გადაწყვეტილებებმა გააჩინა საფუძვლიანი ეჭვი, რომ საქართველო შორდებოდა მის ისტორიულ ევროპულ კურსს. დღეს კი, ჩვენი აზრით, დადგა მომენტი, როცა კითხვის ნიშნები აღარ არსებობს.

ჩვენ კატეგორიულად ვგმობთ საქართველოს მოსახლეობის თავისუფალ ნებაზე სასტიკ ძალადობას.

გვჯერა, რომ ბევრი ჩვენი დღეს მოქმედი კოლეგა ჩვენსავით იზიარებს დემოკრატიულ ღირებულებებს, ჩვენსავით მიაჩნია, რომ ქვეყანა უნდა დაუბრუნდეს ევროატლანტიკურ კურსს და ისინიც შემოგვიერთდებიან, მათი თავისუფალი აზრის გამოხატვით“,- აღნიშნულია განცხადებაში.

ავტორი: ექსპრესნიუსი,

სოციალური ქსელები

13 პირი ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვა-ტარების ბრალდებით დააკავეს

ივანიშვილის ეკონომიკის მინისტრი ამტკიცებს, რომ ორი დიდი არაბული ქალაქის მშენებლობა, მიგრაციის ზრდაზე არ იმოქმედებს

პაპუაშვილი - ბრიუსელი დღეს აცდენილია ჩვენს საერთო ევროპულ ღირებულებებს

ოცნების პროპაგანდისტი ხაინდრავა - 300 წელიწადი იყვნენ არაბები თბილისში, გაარაბდა საქართველო?