2024-11-28 09:39:33, 624 ნახვა
ომი უკრაინაში
რუსეთი უკრაინას „კალიბრებით“ და ფრთოსანი რაკეტებით უტევს
რუსული ძალები დღეს დილიდან უკრაინის ტერიტორიაზე მასიურ სარაკეტო თავდასხმას ახორციელებს. ამის შესახებ ინფორმაციას უკრაინული მედია „უნიანი“ ავრცელებს.
როგორც მედია იუწყება, დღეს დილით რუსებმა შავი ზღვიდან „კალიბრების“ ტიპის რაკეტები გაუშვეს. აგრეთვე, დილით Tu-95MS-ის ტიპის 7 სტრატეგიული ბომბდამშენი აფრინდა ცაში.
სხვადასხვა რეგიონში აფეთქებების ხმები ისმის. ქვეყანაში დაიწყო ელექტროენერგიის გათიშვა.
„მტერმა ხარკოვზე 3 დარტყმა განახორციელა. შედეგები ჯერჯერობით უცნობია“,- განაცხადა ხარკოვის რეგიონალური სახელმწიფო ადმინისტრაციის ხელმძღვანელმა, ოლეგ სინეგუბოვმა.
ავტორი: ექსპრესნიუსი,
epn.ge (@expressnews.ge)
