უკრაინა გერმანიიდან 2024 წლის ბოლომდე ორ, მოკლე და საშუალო მანძილზე მოქმედ საჰაერო თავდაცვის სისტემა IRIS-T-ს მიიღებს,- ამის შესახებ გერმანიის თავდაცვის სამინისტროსთან არსებული უკრაინის საკითხებზე მომუშავე ცენტრის ხელმძღვანელმა, კრისტიან ფროიდინგმა კიევში ჟურნალისტებთან საუბარისას განაცხადა.

როგორც ფროიდინგმა აღნიშნა, ბოლო დღეებში გერმანიამ უკრაინას გადასცა საარტილერიო „ჰაუბიცები“, ტანკები, „მარდერის“ ქვეითი საბრძოლო მანქანები და ასევე დაიწყო დრონების პროგრამა.

„შემდეგი IRIS-T SLM-ის (საშუალო დიაპაზონის) და SLS-ის (მოკლე დიაპაზონის) სისტემები უკრაინაში მომდევნო დღეებსა და კვირებში, შობამდე უნდა ჩამოვიდეს, მაგრამ ჩვენი მხარდაჭერა გაგრძელდება შობის შემდეგაც, 1-ელი იანვრის შემდეგაც, 21 იანვრის შემდეგაც და 23 თებერვლის - ფედერალური არჩევნების შემოთავაზებული თარიღის - შემდეგაც”, - განაცხადა ფროიდინგმა.

შეგახსენებთ, გერმანიის კანცლერმა, ოლაფ შოლცმა სექტემბრის დასაწყისში თქვა, რომ გერმანიამ უკრაინისთვის 17 ერთეული IRIS-T-ის ტიპის საჰაერო თავდაცვის სისტემა შეუკვეთა. საუბარია საშუალო მანძილზე მოქმედ 8 სისტემაზე და მცირე მანძილზე მოქმედ 9 სისტემაზე.

ავტორი: ექსპრესნიუსი,

სოციალური ქსელები

გია ვოლსკი - პოლიციის მაღალჩინოსანზე ხელის გარტყმა მხოლოდ ხულიგნობის მუხლით განსახილველი არ არის

ნინო ლომჯარია - შეხვედრაზე მომხსენებლებს ინფორმაციას მივაწვდით ბოლო დღეებში მიმდინარე პროცესებთან დაკავშირებით

საფრანგეთის ელჩი - პრესის თავისუფლება დემოკრატიის ხერხემალია საქართველოსა და ყველგან

ბაიდენმა მთავარი ყურადღება ბოლო საგარეო-პოლიტიკურ სიტყვაში უკრაინას დაუთმო