საქართველოს საგანგებო და სრულუფლებიანი ელჩი ჩინეთის სახალხო რესპუბლიკაში დავით აფციაური ჩინეთის საგარეო საქმეთა მინისტრის მოადგილეს ლი ჰუილაის შეხვდა.

როგორც „ექსპრესნიუსს“ საგარეო საქმეთა სამინისტროდან აცნობეს, შეხვედრაზე განსაკუთრებული ყურადღება დაეთმო „აბრეშუმის გზა ეკონომიკური სარტყელი" ინიციატივის ფარგლებში მსხვილი ინფრასტრუქტურული პროექტების განხორციელების საკითხებს.  ამ კონტექსტში, მხარეებმა დადებითად შეაფასეს და მიესალმნენ თავისუფალი ვაჭრობის შესახებ ხელშეკრულების გაფორმებასთან დაკავშირებული ოფიციალური მოლაპარაკებების დაწყებას.

უწყების ინფორმაციით, მხარეებმა კმაყოფილებით აღნიშნეს ორმხრივ ურთიერთობებში ბოლო წლებში მიღწეული მკვეთრი პროგრესი და ხაზი გაუსვეს თანამშრომლობის მნიშვნელოვან გააქტიურებას ყველა მიმართულებით (ინვესტიციები, ვაჭრობა, სოფლის მეურნეობა, კულტურა, ფინანსები, განათლება, ჯანდაცვა და სხვა).

ასევე გაიმართა დავით  აფციაურის შეხვდა ჩინეთის სახალხო რესპუბლიკის განათლების მინისტრის მოადგილესთან  ჰაო ფინთან. შეხვედრაზე ყურადღება გამახვილდა ორ ქვეყანას შორის არსებული ტრადიციულად მეგობრულ ურთიერთობებსა და განათლების სფეროში მიმდინარე თანამშრომლობაზე.

საქართველოს ელჩმა ჩინეთის მხარეს მადლობა გადაუხადა განათლების სფეროში გაწეული მხარდაჭერისთვის, კერძოდ, საქართველოს მოქალაქეებისთვის ჩინეთის სახელმწიფო სტიპენდიების გამოყოფასთან დაკავშირებით. მინისტრის მოადგილის ყურადღება გაამახვილა საქართველოს მთავრობის ახალი რეფორმების ტალღაზე, რომელიც შრომის ბაზარზე არსებულ მოთხოვნაზე ორიენტირებული განათლების სისტემის ჩამოყალიბებას ითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტის ანგარიშში ირაკლი ღარიბაშვილის გვარიც მოხვდა - რა წერია მასზე

თიბისი ტექსკლა - მოსწავლეებისთვის ხელოვნური ინტელექტის შესწავლის ახალი შესაძლებლობები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს

პაპუაშვილი: პრეზიდენტ ზელენსკის მოუწია ირაკლი კობახიძესთან მისვლა და საუბარი