სისხლის სამართლის საერთაშორისო სასამართლომ (ICC) ისრაელის პრემიერ-მინისტრ ბენიამინ ნეთანიაჰუს, ყოფილი თავდაცვის მინისტრის, იოავ გალანტისა და „ჰამასის“ ლიდერის, მოჰამედ დეიფის დაპატიმრების ორდერები გასცა. ამის შესახებ ინფორმაციას The Times Of Israel-ი ჰააგის სასამართლოს ოფიციალურ განცხადებაზე დაყრდნობით ავრცელებს.

სასამართლო განცხადებაში უთითებს, რომ ნეთანიაჰუსა და გალანტის დაკავების ორდერები გაცემულია „კაცობრიობის წინააღმდეგ ჩადენილი და ომის დანაშაულებისთვის, რომლებიც სულ მცირე, 2023 წლის 8 ოქტომბრიდან 2024 წლის 20 მაისამდე იქნა ჩადენილი".

„არსებობს დასაბუთებული საფუძველი იმის დასაჯერებლად, რომ ნეთანიაჰუსა და გალანტს ეკისრებათ სისხლის სამართლის პასუხისმგებლობა, როგორც ზემდგომებს, რომლებმაც მოსახლეობის წინააღმდეგ განზრახ თავდასხმა და განზრახ მიმართული ომის დანაშაული ჩაიდინეს“,- ნათქვამია სასამართლოს განცხადებაში.

აღსანიშნავია, რომ ორდერების საფუძველზე, ნეთანიაჰუსა და გალანტს 120-ზე მეტ ქვეყანაში ვიზიტის შემთხვევაში დაპატიმრება ემუქრებათ.

რაც შეეხება მოჰამედ დეიფს, რომლის დაპატიმრების ორდერიც ასევე გაცემულია, ისრაელი აცხადებს, რომ ერთ-ერთი საჰაერო თავდასხმისას დეიფი მოკლა, მაგრამ „ჰამასს“ მისი სამხედრო ფრთის ხელმძღვანელის ლიკვიდაცია არ დაუდასტურებია.

ავტორი: ექსპრესნიუსი,

სოციალური ქსელები

პროკურატურა მეუღლის განზრახ მკვლელობის მცდელობის ფაქტზე ბრალდებულს ბრალდებას დაუმძიმებს

აქციაზე დაკავებული ისაკო დევიძე - ზაჰესის წინასწარი დაკავების იზოლატორში მშრალ შიმშილობას ვაცხადებ

ისრაელი ჰააგის პროკურორს კორუფციაში და სექსუალური ძალადობის ბრალდებისგან ყურადღების გადატანაში ადანაშაულებს

„კოალიცია ცვლილებისთვის“ ​- „ოცნების“ მიერ პოლიტიკური მოტივაციით დაკავებულ ჩვენს თანამოქალაქეებს სრულ სოლიდარობას ვუცხადებთ