გერმანიის საგარეო საქმეთა სამინისტრო განცხადებას ავრცელებს სადაც ნათქვამია, რომ საქართველოსთან ევროკავშირის ურთიერთობები უნდა გადაფასდეს.

განცხადებაში ხაზგასმითაა აღნიშნული, რომ უნდა გადაფასდეს ევროკავშირის ურთიერთობა საქართველოსთან, მათ შორის ევროკავშირის მხარდაჭერის ღონისძიებები საქართველოსთვის გაწევრიანების პროცესის კონტექსტში.

"რამდენიმე თვის განმავლობაში ვაკვირდებით, როგორ აქცევს ზურგს საქართველოს ხელისუფლება ევროკავშირის ნორმებსა და ღირებულებებს. საერთაშორისო დამკვირვებლებმა ასევე დაადასტურეს, რომ 26 ოქტომბერს საქართველოს საპარლამენტო არჩევნებში მოხდა დარღვევები. ჩვენ მოვუწოდებთ სრული და გამჭვირვალე გამოძიებას ყველა საჩივარსა და ბრალდებაზე. ასევე უნდა გადაფასდეს ევროკავშირის ურთიერთობა საქართველოსთან, მათ შორის ევროკავშირის მხარდაჭერის ღონისძიებები საქართველოსთვის გაწევრიანების პროცესის კონტექსტში." - წერია გერმანიის საგარეო უწყების განცხადებაში.

ევროკავშირის საგარეო საქმეთა საბჭოში საქართველოს საკითხის განხილვამდე გასაჯაროვდა ევროკავშირის საგარეო საქმეთა მინისტრებისთვის ქართველი ოპოზიციური პარტიების მიერ გაგზავნილი წერილი.

ამ წერილით, ოპოზიციური პარტიები, რომლებმაც საარჩევნო ბარიერი გადალახეს 26 ოქტომბრის არჩევნებში, ევროკავშირს მოუწოდებენ, არ აღიაროს საქართველოში ჩატარებული არჩევნები და საქართველოს ხელისუფლებაზე ზეწოლის მოსახდენად შემდეგი ნაბიჯები გადადგას:

ევროკავშირის პოზიციით, საქართველოს ევროინტეგრაციის პროცესი შეჩერებულია საქართველოში ევროკავშირის ღირებულებებთან შეუსაბამო კანონების მიღებისა და ქვეყნის მიერ აღებული ვალდებულებების შეუსრულებლობის გამო.

ავტორი: ექსპრესნიუსი,

სოციალური ქსელები

სახალხო დამცველი - დაკავებულებს მძიმე დაზიანებები, უმრავლეს შემთხვევაში, სახის, თვალის და თავის მიდამოში აქვთ მიღებული

პროკურატურამ საპროტესტო აქციაზე დაკავებულ 3 პირს პოლიციელებზე თავდასხმის და სხვისი ნივთის დაზიანების ფაქტებზე ბრალდება წარუდგინა

კობახიძე- საჯარო დისკუსიაში ჩართვის ინტერესი უკვე გამოთქვეს პოლიტიკოსებმა ვთავაზობ საზოგადოებრივ მაუწყებელს, დაგვითმოს ეთერი

შინაგან საქმეთა სამინისტრომ საპროტესტო აქციის 5 მონაწილეზე სისხლის სამართლის საქმე აღძრა