ირანელმა ჟურნალისტმა და უფლებადამცველმა ქიანუშ სანჯარიმ აიათოლაების რეპრესიული რეჟიმის პროტესტის დროს თავი მოიკლა.

მანამდე ცოტა ხნით ადრე მან მოითხოვა პოლიტპატიმრების, ფატიმე სეფეჰრის, ნასრინ შაკარამის, ტუმაჯ სალეჰისა და არშამ რეზაის გათავისუფლება, რომლებიც დააკავეს 2022 წელს მაჰსა ამინის გარდაცვალების შემდეგ საპროტესტო აქციებში მონაწილეობისთვის.

სოციალურ ქსელში თავის ბოლო პოსტში სანჯარიმ თქვა:

„არავინ უნდა დააპატიმრონ საკუთარი აზრის გამოთქმისთვის. პროტესტი ირანის ყველა მოქალაქის უფლებაა. ჩემი ცხოვრება ამ ტვიტის შემდეგ დასრულდება, მაგრამ არ უნდა დაგვავიწყდეს, რომ სიცოცხლის სიყვარულისთვის ვკვდებით და არა სიკვდილისთვის. ვისურვებდი, რომ ერთ დღეს ირანელებმა გაიღვიძონ და დაძლიონ მონობა“.

სანჯარი 1999 წლიდან 2007 წლამდე რამდენჯერმე დააკავეს ხელისუფლების კრიტიკის გამო, შემდეგ კი ირანიდან გაიქცა. მოგვიანებით ის „ამერიკის ხმაში“ მუშაობდა და 2016 წელს სამშობლოში დაბრუნდა მშობლებთან საცხოვრებლად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველი - დაკავებულებს მძიმე დაზიანებები, უმრავლეს შემთხვევაში, სახის, თვალის და თავის მიდამოში აქვთ მიღებული

პროკურატურამ საპროტესტო აქციაზე დაკავებულ 3 პირს პოლიციელებზე თავდასხმის და სხვისი ნივთის დაზიანების ფაქტებზე ბრალდება წარუდგინა

კობახიძე- საჯარო დისკუსიაში ჩართვის ინტერესი უკვე გამოთქვეს პოლიტიკოსებმა ვთავაზობ საზოგადოებრივ მაუწყებელს, დაგვითმოს ეთერი

შინაგან საქმეთა სამინისტრომ საპროტესტო აქციის 5 მონაწილეზე სისხლის სამართლის საქმე აღძრა