2024-11-06 17:47:31, 407 ნახვა

---

კრისტერსონი - მნიშვნელოვანია, რომ შვედეთმა შეძლოს თანამშრომლობა აშშ-ის ადმინისტრაციასა და პრეზიდენტთან, რომელიც თანამდებობას იკავებს

მნიშვნელოვანია, რომ შვედეთმა შეძლოს თანამშრომლობა ადმინისტრაციასა და პრეზიდენტთან, რომელიც თანამდებობას იკავებს,- ასე ეხმაურება შვედეთის პრემიერ-მინისტრი ულფ კრისტერსონი „რესპუბლიკელი“ დონალდ ტრამპის ამერიკის შეერთებული შტატების საპრეზიდენტო არჩევნებში გამარჯვებას.

კრისტერსონის განცხადებით, შეერთებული შტატების პოლიტიკაში ამჟამად მთელი რიგი შემაშფოთებელი ტენდენციები შეინიშნება.

„დებატების მკაცრი და პოლარიზებული ტონი, კულტურული ომების ტენდენცია პოლიტიკურ საკითხებზე დომინირებისკენ. ვფიქრობ, ეს საშიში განვითარებაა.

კიდევ ერთი რისკი არის უკრაინის მიმართ ვალდებულებების შემცირება. უნდა აღინიშნოს, რომ ამჟამად აშშ უკრაინას უდიდეს სამხედრო დახმარებას უწევს. ჩვენ ამას ვაფასებთ, მადლიერები ვართ. ჩვენ ყველაფერს გავაკეთებთ, რათა ხაზი გავუსვათ ჩვენს სწრაფვას ტრანსატლანტიკური ვალდებულებების შენარჩუნებისკენ“,- ამბობს შვედეთის პრემიერ-მინისტრი. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი