კარგი ამბავი მოლდოვისთვის, კარგი ამბავი ევროპისთვის,- ასე ეხმაურება ლატვიის პრეზიდენტი ედგარ რინკევიჩი მოლდოვის საპრეზიდენტო არჩევნების შედეგებს, რომლის მიხედვითაც, მეორე ტურში მოქმედმა პრეზიდენტმა, მაია სანდუმ გაიმარჯვა.

როგორც რინკევიჩი სოციალურ ქსელ X-ზე წერს, მოლდოვის ევროკავშირში ინტეგრაციის წინსვლისთვის, მჭიდრო თანამშრომლობას მოელის.

„ძვირფასო მაია სანდუ, თბილად გილოცავთ მოლდოვის პრეზიდენტად ხელახლა არჩევას. კარგი ამბავი მოლდოვისთვის, კარგი ამბავი ევროპისთვის. მოუთმენლად ველი მჭიდრო თანამშრომლობის გაგრძელებას მოლდოვის ევროკავშირში ინტეგრაციის წინსვლისთვის“,- წერს ლატვიის პრეზიდენტი.

შეგახსენებთ, გუშინ, 3 ნოემბერს მოლდოვაში საპრეზიდენტო არჩევნების მეორე ტური გაიმართა, რომელშიც ამ დროისთვის არსებული მონაცემების მიხედვით, ქვეყნის მოქმედმა პრეზიდენტმა, მაია სანდუ 55.25%-ით გაიმარჯვა. მისმა მოწინააღმდეგე ალექსანდრ სტოიანოგლუმ კი, ხმათა  44.75%-ის მოპოვება შეძლო.

აღსანიშნავია, რომ მოლდოვაში საპრეზიდენტო არჩევნების მეორე ტური მას შემდეგ ჩატარდა, რაც 20 ოქტომბერს, არჩევების პირველ ტურში სანდუმ ხმების - 42.45%, ხოლო სტოიანოგლუმ 25.98% მიიღო.

ავტორი: ექსპრესნიუსი,

სოციალური ქსელები

ხალხის მოწამვლის საქმეზე სუს-ში ვახტანგ გომელაური გამოიკითხა

სუს-ში ზვიად ხარაზიშვილი (ხარება) გამოკითხეს

საქართველოს ბანკმა 2025 წელს 53 პარტნიორ ორგანიზაციასთან ერთად განათლების შესაძლებლობები 300 000-ზე მეტი ბენეფიციარისთვის შექმნა

კობახიძე - მოთმინებით ველოდებით აშშ-ის პოზიციას საქართველოსთან მიმართებით