2024-10-30 10:06:24, 672 ნახვა
ომი უკრაინაში
უკრაინის საჰაერო ძალები - რუსეთის მიერ გაშვებული 62 „შაჰიდიდან“ 33 ჩამოვაგდეთ
30 ოქტომბრის ღამეს, უკრაინამ რუსეთის მიერ გაშვებული 62 "შაჰიდის" ტიპის დრონიდან 33 ჩამოაგდო. ამის შესახებ ინფორმაციას უკრაინის საჰაერო ძალები Telegram-ზე ავრცელებს.
საჰაერო ძალების ცნობით, დრონების განეიტრალება კიევის, ჩერკასის, ხმელნიცკის, ხარკოვის, ზაპოროჟიეს, დონეცკის, დნეპროპეტროვსკის, სუმის, ჩერნიგოვისა და პოლტავის ოლქებში მოხდა.
საჰაერო შეტევა ავიაციამ, საზენიტო-სარაკეტო ძალებმა, მობილურმა სახანძრო ჯგუფებმა და ელექტრონულმა ომის დანაყოფებმა მოიგერიეს.
ავტორი: ექსპრესნიუსი,
epn.ge (@expressnews.ge)
