ბაიდენი - „ჰამასის“ ლიდერი იაჰია სინვარი მკვდარია, მთელი მსოფლიოსთვის კარგი დღეა

2024-10-18 09:28:48, 406 ნახვა

მსოფლიო

ამერიკის შეერთებული შტატების პრეზიდენტი, ჯო ბაიდენი "ჰამასის" ახალი ლიდერის, იაჰია სინვარის ლიკვიდირებას სოციალურ ქსელ X-ზე ეხმაურება.

ბაიდენის თქმით, ისრაელს აქვს უფლება, გაანადგუროს "ჰამასის" ლიდერები.

"ჰამასის" ლიდერი იაჰია სინვარი მკვდარია. ეს კარგი დღეა ისრაელისთვის, ამერიკის შეერთებული შტატებისა და მთელი მსოფლიოსთვის",- წერს ბაიდენი.

ბაიდენი ასევე აქვეყნებს ვრცელ განცხადებასაც, სადაც ნათქვამია, რომ ისრაელის თავდაცვის ძალები აშშ-ის დაზვერვასთან ერთად მუშაობს და "სამართლიანობას ვერცერთი ტერორისტი გაექცევა".

შეგახსენებთ, გუშინ, 17 ოქტომბერს ისრაელის თავდაცვის ძალებმა განაცხადა, რომ 16 ოქტომბერს, ღაზას სექტორში ჩატარებული სპეცოპერაციის შედეგად "ჰამასის" ლიდერი იაჰია სინვარი ლიკვიდირებულია.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,