2016-02-25 18:17:27, 545 ნახვა

---

2011 წლის 26 მაისს გარდაცვლილი პოლიციელის ვლადიმერ მასურაშვილის დედა მსჯავრდებულის პოლიტპატიმრის სტატუსით გათავისუფლებას აპროტესტებს

2011 წლის 26 მაისს გარდაცვლილი ვლადიმერ მასურაშვილის დედა პარლამენტს მისი შვილის მკვლელობაში მსჯავრდებულის საყოველთაო ამნისტიით გამოშვებას აპროტესტებს.

გარდაცვლილის დედამ დღეს სარჩელი საქალაქო სასამართლოში შეიტანა და მოითხოვს დამნაშავემ პასუხი კანონის სრული სიმკაცრით აგოს.

"ჩემი შვილის მკვლელი, პოლიტპატიმრის სტატუსით გაათავისუფლეს. ამით ჩემი მორალური, ზნეობრივი და კანონიერი უფლება დაირღვა. შვილი მეორედ მომიკლეს, ამიტომ მე მთავრობას, პარლამენტს ვუჩივი. მკვლელი ამნისტიით გამოსაშვები არ არის", - განაცხადა მასურაშვილის დედამ, ანა აზნაურაშვილმა.

შეგახსენებთ, ვლადიმერ მასურაშვილს 2011 წლის  26 მაისს ნინო ბურჯანაძის ექსკორტის მანქანა შეეჯახა და ადგილზე დაიღუპა. მომხდარში დამნაშავედ 1 პირი ალექსანდრე ბიბილური ცნეს, რომელსაც 8 წლით და 6 თვით თავისუფების აღკვეთა მიესაჯა, თუმცა მან გარდაცვლილის ოჯახის წევრების ინფორმაციით ციხე პოლიტპატიმრის სტატუსით საყოველთაო ამინისტიის შედეგად წელიწადნახევარში დატოვა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი