2024-09-13 11:01:14, 378 ნახვა

---

სტარმერი - რუსეთმა დაიწყო უკრაინაში კონფლიქტი და შეუძლია, ახლავე დაასრულოს - ჩვენ რუსეთთან კონფლიქტს არ ვეძებთ

რუსეთმა დაიწყო უკრაინაში კონფლიქტი და შეუძლია, ახლავე დაასრულოს - ჩვენ კონფლიქტს რუსეთთან არ ვეძებთ, უკრაინას აქვს თავდაცვის უფლება, - ამის შესახებ დიდი ბრიტანეთის პრემიერ-მინისტრმა, კირ სტარმერმა ვაშინგტონში მიმავალ თვითმფრინავში ყოფნისას განაცხადა.

სტარმერის თქმით, მოკავშირე ქვეყნები აძლევენ უკრაინას შესაძლებლობას, რუსეთის აგრესიისგან თავი დაიცვას.

"რუსეთმა დაიწყო ეს კონფლიქტი. რუსეთი უკანონოდ შეიჭრა უკრაინაში. რუსეთს შეუძლია, დაუყოვნებლივ დაასრულოს ეს კონფლიქტი. კიდევ ერთხელ ვიმეორებ, რუსეთმა დაიწყო ეს. ისინი არიან კონფლიქტის გამომწვევები", - განაცხადა სტარმერმა.

ცნობისთვის, დიდი ბრიტანეთის პრემიერ-მინისტრი კირ სტარმერი ვაშინგტონში ამერიკის შეერთებული შტატების პრეზიდენტს, ჯო ბაიდენს შეხვდება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი