დასავლეთისგან გვერდის ავლის პროცესი რამდენიმე წელია გრძელდება, მაგრამ ჩვენთან, ამერიკის შეერთებული შტატების მთავრობასთან ურთიერთობებში რეალური ცვლილება იყო კანონი “უცხოური აგენტების შესახებ,- ამის შესახებ აშშ-ის ყოფილმა ელჩმა საქართველოში, იან კელიმ თბილისის მე-8 დარბაზში საერთაშორისო კონფერენცია - “2024 არის გადამწყვეტი წელი“ განაცხადა.

ყოფილმა ელჩმა ხაზგასმით აღნიშნა, რომ საქართველოს გენებში აქვს პროდასავლურობა და ამ გზაზე აშშ მას არა მხოლოდ რიტორიკულ, არამედ მნიშვნელოვან ფინანსურ მხარდაჭერასაც უწევს, თუმცა ქვეყანაში ბოლო მოვლენები, განსაკუთრებით “გამჭვირვალობის შესახებ“ კანონის მიღება. საგარეო გავლენის“ შედეგად შეერთებულმა შტატებმა შეწყვიტა პირდაპირი დახმარება საქართველოს მთავრობისთვის.

“ვგრძნობ, რომ საქართველოში სამყარო თავდაყირა დატრიალდა. მიუხედავად იმისა, რომ პროდასავლური ხაზი გრძელდება, ის, რაც ხელისუფლების დონეზე ხდება, ნამდვილად გაუგებარია. დასავლეთისგან გვერდის ავლის პროცესი უკვე რამდენიმე წელია გრძელდება, მაგრამ ჩვენთან, აშშ-ს მთავრობასთან ურთიერთობაში რეალური ცვლილება იყო კანონი უცხოური აგენტების შესახებ. ვერასოდეს ვიფიქრებდი, რომ დავინახავდი პუნქტს, როდესაც შევწყვეტთ ყოველგვარ პირდაპირ დახმარებას საქართველოს მთავრობისთვის, მაგრამ აქ ვართ - შევწყვიტეთ პირდაპირი დახმარება საქართველოს მთავრობისთვის, გავაუქმეთ პროგრამა ღირსეული პარტნიორი“,- განაცხადა ყოფილმა ელჩმა.

გარდა ამისა, იან კელიმ ხაზგასმით აღნიშნა, რომ შეერთებული შტატები აგრძელებს საქართველოში სამოქალაქო საზოგადოების პროგრამების მხარდაჭერას.

ავტორი: ექსპრესნიუსი,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"