2024-08-23 20:23:08, 588 ნახვა
მსოფლიო
მედია - ჯეიკ სალივანი 27-29 აგვისტოს ჩინეთში ჩავა
ეროვნული უსაფრთხოების საკითხებში აშშ-ის პრეზიდენტის მრჩეველი ჯეიკ სალივანი 27-29 აგვისტოს ჩინეთში ჩავა. ამის შესახებ ინფორმაციას ამერიკული მედია ავრცელებს.
როგორც მედია წერს, აშშ-ის პრეზიდენტის ადმინისტრაციაში განაცხადეს, რომ სალივანი პეკინში ვიზიტისას ჩინეთის საგარეო საქმეთა მინისტრს, ვან ის შეხვდება.
თეთრი სახლის ინფორმაციით, შეხვედრაზე სალივანი უკრაინაში მიმდინარე ომის თემაზე, ასევე ტაივანის სრუტეში არსებულ ვითარებასა და ახლო აღმოსავლეთის საკითხზე გაამახვილებს ყურადღებას.
ავტორი: ექსპრესნიუსი,
epn.ge (@expressnews.ge)
