2024-08-16 17:18:03, 496 ნახვა
მსოფლიო
ვლადიმერ პუტინი 18-19 აგვისტოს აზერბაიჯანში ჩავა
რუსეთის პრეზიდენტი ვლადიმერ პუტინი 18-19 აგვისტოს სახელმწიფო ვიზიტით აზერბაიჯანში ჩავა. ამის შესახებ ინფორმაციას კრემლის პრესსამსახური ავრცელებს.
პრესსამსახურის ცნობით, მოლაპარაკებებისას განხილული იქნება აზერბაიჯანსა და რუსეთს შორის სტრატეგიული პარტნიორობისა და მოკავშირეობის განვითარების საკითხები.
შეხვედრაზე აგრეთვე განიხილავენ აქტუალურ საერთაშორისო და რეგიონულ პრობლემებს.
ვიზიტის შემდეგ იგეგმება სახელმწიფოთა მეთაურების ერთობლივი განცხადების მიღება, ასევე მთავრობათაშორისი და სხვა დოკუმენტების ხელმოწერა.
ავტორი: ექსპრესნიუსი,
epn.ge (@expressnews.ge)
