2024-08-14 10:12:11, 492 ნახვა
მსოფლიო
„ჰეზბოლამ“ ჩრდილოეთ ისრაელის მიმართულებით 25 რაკეტა გაუშვა
"ჰეზბოლამ" ჩრდილოეთ ისრაელის მიმართულებით, დაახლოებით, 25 რაკეტა გაუშვა. ამის შესახებ ინფორმაციას The Times Of Israel-ი ავრცელებს.
როგორც ისრაელის თავდაცვის ძალებში აცხადებენ, 25-ვე რაკეტა დაუსახლებელ ტერიტორიებზე ჩამოვარდა, იერიშის შედეგად კი არავინ დაშავებულა.
განგაშის სიგნალი ისმოდა ზემო გალილეის რეგიონში, კერძოდ, მერონის მთაზე, ქალაქ ჰურფეიშში, ელკოშის დასახლებაში, სოფელ ფასუტასა და ბეით-ჯანში.
"ჰეზბოლამ" განაცხადა, რომ იერიშზე პასუხისმგებლობას იღებს და თავდასხმის სამიზნე რეგიონში არსებული ისრაელის სამხედრო ბაზები იყო.
ავტორი: ექსპრესნიუსი,
epn.ge (@expressnews.ge)
